Тры чалавекі шпіталізавана пасля ДТЗ з удзелам міжнароднага аўтобуса Масква — Брэст
18 жніўня, Позірк. Тры чалавекі шпіталізавана ў выніку аварыі з удзелам міжнароднага аўтобуса Масква — Брэст. ДТЗ адбылося каля 6 гадзін раніцы 18 жніўня ў Дзяржынскім раёне Мінскай вобласці на аўтадарозе М1 Брэст — Мінск — мяжа РФ, паведамляе прэс-служба МУС.
Паводле папярэдняй інфармацыі, кіроўца 1973 года нараджэння не даў рады кіраванню, з’ехаў у правы па ходзе руху кювет і ўрэзаўся ў прыдарожныя дрэвы.
У салоне знаходзілася два кіроўцы і 46 пасажыраў.
На месцы здарэння працуе следча-аператыўная група.
