Улады Беларусі збіраюцца прызнаць полк Каліноўскага “тэрарыстычнай арганізацыяй” (дапоўнена)
26 жніўня, Позірк. У Вярхоўны суд накіравана заява аб прызнанні “фарміравання “Полк імя Кастуся Каліноўскага” з структурнымі падраздзяленнямі, якія ўваходзяць у яе склад, тэрарыстычнай арганізацыяй”, паведамляе прэс-служба Генеральнай пракуратуры.
Адзначаецца, што адпаведную заяву генпракурор Андрэй Швед падаў на падставе закона “Аб барацьбе з тэрарызмам” па прапанове Камітэта дзяржбяспекі.
Полк Каліноўскага створаны ва Украіне “былымі ўдзельнікамі беларускіх нацыяналістычных фарміраванняў, футбольных ультрас, а таксама асобамі, якія бралі актыўны ўдзел у масавых беспарадках у 2020 і 2021 гадах на тэрыторыі Беларусі і выехалі ў сувязі з гэтым за мяжу”, заявіў у відэакаментарыі афіцыйны прадстаўнік Генпракуратуры Дзмітрый Брылёў.
Полк, лічаць у наглядным органе, займаецца вярбоўкай “грамадзян Беларусі і этнічных беларусаў”, якія пражываюць за мяжой і “негатыўна ставяцца да кіраўніцтва” Беларусі і Расіі, “для ўдзелу ў баявых дзеяннях на тэрыторыі Украіны супраць расійскіх Узброеных сіл і воінскіх фарміраванняў”.
Акрамя таго, сцвярджае Брылёў, полк вядзе падрыхтоўку сіл і сродкаў “для захопу ўлады ў Беларусі ўзброеным шляхам, для чаго дапускаюцца здзяйсненне актаў тэрарызму і дыверсій, захоп і ўтрыманне людзей у якасці заложнікаў, знішчэнне, пашкоджанне і блакаванне будынкаў, збудаванняў, шляхоў ці сродкаў зносін, а таксама заклікі на замах на тэрытарыяльную цэласнасць краіны”.
“Полк курыруюць і фінансуюць улады некаторых замежных дзяржаў, у тым ліку іх спецыяльныя выведвальныя службы. Для інфармацыйнай падтрымкі ў гэтым фарміраванні выкарыстоўваюць шэраг інтэрнэт-рэсурсаў, а ў закрытых чатах мэсэнджараў яго прадстаўнікі вядуць дэталёвую прапрацоўку і планаванне сваіх акцый”, — сказаў прадстаўнік Генпракуратуры.
Ён заявіў, што “супрацьпраўная дзейнасць палка” пацвярджаецца “матэрыяламі крымінальных спраў аб здзяйсненні цяжкіх і асабліва цяжкіх злачынстваў”, у ліку якіх “акты тэрарызму, распальванне сацыяльнай варожасці і варажнечы” ды інш.
Батальён імя Кастуся Каліноўскага быў створаны 9 сакавіка 2022 года. 26 сакавіка таго ж года ён увайшоў у склад Узброеных сіл Украіны (УСУ), а 21 траўня было абвешчана пра яго трансфармацыю ў полк у складзе двух батальёнаў — “Волат” і “Тэрор”. Пазней быў сфармаваны трэці — “Літвін”. Пасля “Тэрор” стаў асобным падраздзяленнем УСУ па-за складам палка.
25 верасня 2023 года полк Каліноўскага абвясціў пра стварэнне новага батальёна Western з удзелам замежнікаў, у склад якога ўвайшлі “афіцэры краін НАТО і замежныя грамадзяне, якія маюць баявы досвед у Іраку і Афганістане”.
У складзе палка таксама дзейнічае тактычная група Крыўцова, якая займаецца беспілотнай аэравыведкай, карэктаваннем агню ды інш.
У Беларусі па факце стварэння палка Каліноўскага ўзбуджаная крымінальная справа, ён прызнаны “экстрэмісцкім фарміраваннем”.
- ПалітыкаХроніка палітычных рэпрэсій за 25 верасня 2024 годаМатэрыял даступны толькі падпісчыкам ПОЗІРК+
- Палітыка
Полк Каліноўскага заявіў, што прызнае рэжым Лукашэнкі "тэрарыстычнай арганізацыяй"
- Грамадства, ПалітыкаКоўшык назвала Бяляцкага "іконай праваабарончага руху"Матэрыял даступны толькі падпісчыкам ПОЗІРК+
- Палітыка
Пуцін прыгразіў прымяненнем ядзернай зброі ў выпадку агрэсіі супраць Беларусі
- Грамадства, Палітыка
Праваабаронцы перадалі ў беларускую амбасаду ў Бруселі больш за 82 тыс. подпісаў за вызваленне Бяляцкага
- Грамадства, Палітыка
Савет Рэспублікі ўхваліў законапраект аб пазбаўленні пенсій сілавікоў, якія пакінулі Беларусь
- Палітыка, Эканоміка
Улады з дапамогай Расіі хочуць аднавіць вытворчасць на заводзе "Штадлер Мінск"
- Палітыка
Нарвежскі Нобелеўскі камітэт запатрабаваў ад беларускіх уладаў вызвалення Бяляцкага
- Палітыка
Полк Каліноўскага прызнаны "тэрарыстычнай арганізацыяй"
- Грамадства
Суд канфіскаваў у ІП больш за 2 млн долараў, заробленых на крыптавалюце
- Палітыка
Урад Літвы ўхваліў законапраекты аб разрыве мытнага супрацоўніцтва з Беларуссю
- ГрамадстваМінюст прапануе скасаваць дзейнасць агентаў па нерухомасціМатэрыял даступны толькі падпісчыкам ПОЗІРК+
- Палітыка
Беларусь і Расія абмеркавалі актывізацыю ваеннага гандлю
- Грамадства, Палітыка
Балгарыя можа дэпартаваць грамадзяніна Беларусі — прадстаўніка ЛГБТ
- Палітыка
Нямецкі юрыст ініцыюе расследаванне ў дачыненні да члена ультраправай партыі, які мае бізнес у Беларусі
- Палітыка, Эканоміка
У Мінэканомікі лічаць, што "палітычны і эканамічны ціск" Захаду на Беларусь не спыніцца аж да 2040 года
- Палітыка
Набыў моц завочны прысуд у дачыненні да блогера Андрэя Павука і іншых фігурантаў справы
- Эканоміка
На паўгода падоўжана забарона на вываз з Беларусі каля 250 відаў прамтавараў
- Палітыка
Расія ўспрымае Украіну і Беларусь як дзяцей, якія не маюць права самі вызначаць сваю будучыню — Ціханоўская
- Грамадства
З канца жніўня надзвычайная пажарная небяспека ў Гомельскай вобласці аб'яўленая 14-ы раз
- Грамадства, Палітыка
Амбасада ў Сірыі нагадала аб рэкамендацыі МЗС не наведваць Ліван
- Грамадства, Палітыка
Бяляцкага трэба не проста вызваляць, яго трэба ратаваць — праваабаронца Буракоў-малодшы
- Грамадства, ПалітыкаБяляцкага трэба не проста вызваляць, яго трэба ратаваць — праваабаронца Буракоў-малодшы (падрабязна)Матэрыял даступны толькі падпісчыкам ПОЗІРК+
- ПалітыкаАмбасада ў Ізраілі нагадала аб рэкамендацыі МЗС не наведваць краіну без неабходнасціМатэрыял даступны толькі падпісчыкам ПОЗІРК+
- ГрамадстваУ Мінску і яшчэ больш чым у 20 гарадах зафіксаваныя тэмпературныя рэкордыМатэрыял даступны толькі падпісчыкам ПОЗІРК+
- ПалітыкаХроніка палітычных рэпрэсій за 24 верасня 2024 годаМатэрыял даступны толькі падпісчыкам ПОЗІРК+
- Грамадства, Палітыка
Украіна выступіла супраць зняцця абмежаванняў з беларускіх шахматыстаў да 12 гадоў
- Грамадства, Палітыка
За перавозку мігрантаў у Польшчы затрыманая 30-гадовая беларуска
- Грамадства, Палітыка
Пракуратура "днр" накіравала ў суд справу яшчэ аднаго беларускага добраахвотніка
- Грамадства
КДК пачаў праверку інтэрнэт-крамы "Еўраопт"