У сувязі са “шчырым раскаяннем” за 2020 год камісія Шведа дазволіла вярнуцца ў спорт футбалістам Драгуну і Хачатурану
27 жніўня, Позірк. У сувязі са “шчырым раскаяннем і прызнаннем сваіх памылак, учыненых у 2020 годзе”, спецкамісія пад кіраўніцтвам генеральнага пракурора Андрэя Шведа дазволіла зноў “дапусціць да прафесійнай дзейнасці” футбалістаў Станіслава Драгуна і Андрэя Хачатурана, паведамляе прэс-служба нагляднага ведамства.
Да такога рашэння, як заяўляецца, камісію падштурхнулі “актыўны ўдзел” згаданых спартсменаў “у значных грамадска-патрыятычных мерапрыемствах, накіраваных на падтрымку дзяржаўнага ладу, абавязацельствы выканання Канстытуцыі Рэспублікі Беларусь, павагі дзяржаўных сімвалаў і нацыянальных традыцый краіны, а таксама развіцця беларускага спорту і годнага прадстаўлення Рэспублікі Беларусь у спартыўных мерапрыемствах”.
Будзе дапоўнена