Пратэрмінаваная запазычанасць фізічных асоб па крэдытах за 12 месяцаў павялічылася на 17% — Нацбанк

2 верасня, Позірк. Пратэрмінаваная запазычанасць фізічных асоб па крэдытах, выдадзеных банкамі, што працуюць у Беларусі, на 1 жніўня 2024 года склала 40,4 млн рублёў — на 17,1% больш, чым на аналагічную дату 2023-га (34,5 млн), сведчыць праведзены “Позіркам“ аналіз даных Нацыянальнага банка.

Практычна ўся пратэрмінаваная запазычанасць прыпадае на спажывецкія крэдыты — 40,1 млн рублёў (годам раней — 33,6 млн; +19,3%).

За сем месяцаў гэтага года банкі выдалі фізічным асобам крэдыты на агульную суму 9 млрд 101,2 млн рублёў (7 млрд 39 млн; +29,3%).