Частка расійскіх беспілотнікаў уначы 7 верасня паляцела ў бок Беларусі — УСУ (дапоўнена)
дададзеныя абзацы 6–9
7 верасня, Позірк. У ноч на 7 верасня ўкраінская супрацьпаветраная абарона збіла 58 расійскіх ударных беспілотнікаў, шэсць дронаў “вышлі з падкантрольнай паветранай прасторы” і паляцелі “ў напрамку Расіі, Беларусі і часова акупаванай Луганшчыны”, паведамляе камандаванне Паветраных сіл Узброеных сіл Украіны.
Паводле інфармацыі вайскоўцаў, пускі беспілотнікаў ажыццяўляліся ў раёне Курска (Курская вобласць РФ, каля 300 км да мяжы з Беларуссю), Ейска (Краснадарская вобласць РФ, каля 760 км) і Чаўды (акупаваны Крым, каля 800 км).
Маніторынгавая група “Беларускі Гаюн” паведаміла, што каля 23:20 6 верасня расійскі беспілотнік перасек паветраную прастору Гомельскай вобласці з боку Чарнігаўскай вобласці Украіны, праляцеў праз Лоеў. Прыкладна а 12 гадзіне ночы 7 верасня з аэрадрома Баранавічы (Брэсцкая вобласць) быў узняты знішчальнік.
Яшчэ адзін дрон такім жа чынам уварваўся ў беларускую паветраную прастору каля 2:45, праляцеў праз Лоеў і “працягнуў рух на паўночны захад курсам на Васілевічы (паміж Мазыром і Рэчыцай)”.
Трэці расійскі беспілотнік быў зафіксаваны ў небе над Беларуссю ў 3:10 (трымаў курс у бок Мазыра), чацвёрты — заляцеў у раёне Лоева ў 3:38 і працягнуў рух на захад.
Паводле даных маніторынгавай групы, “Шахеды” заляталі ў краіну таксама ў 3:49, 5:16 і 5:54, а ў 5:54 — выведніцкі дрон тыпу Supercam.
Аналітыкі звярнулі ўвагу на тое, што ў 5:16 беспілотнік уварваўся ў паветраную прастору краіны ў раёне Пінска (Брэсцкая вобласць) і “працягнуў рух на поўнач”.
“Гэты “Шахед” зайшоў у Гродзенскую вобласць (упершыню за ўвесь маніторынг) і даляцеў да самых Карэлічаў і Навагрудка, трымаючы курс у кірунку мяжы з Літвой. Гэты шахед мог праляцець над Беларуссю на поўнач ≈200 км, што з ім здарылася далей — невядома”, — гаворыцца ў паведамленні.
Такім чынам, паводле інфармацыі гэтай крыніцы, у небе Беларусі было восем дронаў; знішчальнікі з аэрадрома Баранавічы ўзляталі чатыры разы за ноч, верталёты з аэрадрома Мачулішчы — два разы. “Авіяцыя была заўважаная не толькі на поўдні краіны, але таксама і на самай поўначы — у раёне Астраўца і Вілейкі, што можа казаць пра тое, што да поўначы краіны мог даляцець не адзін, а два “Шахеды”, — адзначае “Беларускі Гаюн”.
У ноч на 5 верасня незалежнае рэгіянальнае медыя “Флагшток” са спасылкай на чытачоў паведаміла, што над Гомелем раздаліся два выбухі. Следам быў апублікаваны відэазапіс падзення палаючага аб’екта ў небе над абласным цэнтрам. Было заяўлена, што гэта вынік перахопу сіламі супрацьпаветранай абароны двух беспілотнікаў-камікадзэ, што належаць Расіі, якія заляцелі ў краіну з Чарнігаўскай вобласці.
Медыя са спасылкай на даныя геалакацыі і паведамленні карыстальнікаў гарадскіх чатаў заявіла, што рэшткі аднаго з БПЛА ўпалі ў Навабеліцкім раёне Гомеля — “у квартале завулкаў 6-й і 8-й Ільіча”.
Пазней начальнік галоўнага штаба — першы намеснік камандуючага ВПС і войскамі СПА Сяргей Фралоў пацвердзіў, што ўначы 5 верасня быў зафіксаваны факт парушэння “мяжы Беларусі ў паветранай прасторы, як мяркуецца, беспілотнымі лятучымі апаратамі”. “Было прынятае рашэнне на іх знішчэнне. Своечасовымі дзеяннямі дзяжурных сіл па супрацьпаветранай абароне ўсе цэлі-парушальнікі былі знішчаныя. Па гэтым факце праводзіцца праверка”, — заявіў военачальнік.
Неўзабаве пасля гэтага прэс-служба МНС паведаміла, што ў выніку падзення “меркавана збітага беспілотнага лятучага апарата адбылося загаранне цаглянага будынка склада ў Гомелі па 8-му зав. Ільіча”. Ратавальнікі ліквідавалі пажар, ніхто не пацярпеў. Агонь пашкодзіў 5 кв. метраў даху.
Пра выпадкі ўварвання ў паветраную прастору Беларусі беспілотнікаў, якімі РФ атакуе Украіну, маніторынгавыя каналы і ўкраінскае ваеннае ведамства паведамлялі таксама ў ліпені і жніўні. Беларускія ўлады гэтыя выпадкі не каментавалі, якіх-небудзь пратэстаў расійскаму боку Мінск публічна не заяўляў.
Пры гэтым Аляксандр Лукашэнка 10 жніўня абвінаваціў Украіну ў парушэнні беларускай паветранай прасторы беспілотнымі лятучымі апаратамі і заявіў, што загадаў вярнуць войскі да паўднёвай мяжы.
- ПалітыкаХроніка палітычных рэпрэсій за 19 верасня 2024 годаМатэрыял даступны толькі падпісчыкам ПОЗІРК+
Асуджаны за "спробу захопу ўлады" Юрый Зянковіч звярнуўся да Лукашэнкі з просьбай аб памілаванні
- Палітыка
У Пінску за “ўдзел у пратэстах” будуць судзіць журналіста Яўгена Мікалаевіча
- ПалітыкаКачанава запрасіла ў Беларусь кіраўніцтва УгандыМатэрыял даступны толькі падпісчыкам ПОЗІРК+
- Палітыка
На волю выйшла палітзняволеная Вольга Залатар
- Палітыка
У Савеце Еўропы заклікалі Грузію перагледзець забарону на ўезд беларускаму журналісту Андрэю Мялешку
Сілавікі правялі масавыя затрыманні ў Глыбокім і Століне
- Грамадства, ПалітыкаКраіны ЕС фіксуюць амаль на 40% больш спробаў нелегальнай міграцыі з беларускай тэрыторыі, чым у жніўніМатэрыял даступны толькі падпісчыкам ПОЗІРК+
- Палітыка
Ціханоўская: Дапамога рэпрэсаваным не замяняе працу па вызваленні палітвязняў
- ПалітыкаЦіханоўская: Дапамога рэпрэсаваным не замяняе працу па вызваленні палітвязняў (падрабязна)Матэрыял даступны толькі падпісчыкам ПОЗІРК+
- ЭканомікаНа фоне імкнення ўладаў скараціць імпарт памідораў у міжсезонне іх ураджайнасць у цяпліцах знізіласяМатэрыял даступны толькі падпісчыкам ПОЗІРК+
- Палітыка
Лукашэнка праз 13 гадоў зноў назваў "паняццямі" міжнародныя стандарты правядзення выбараў
- ЭканомікаЗнешняя крэдыторская запазычанасць арганізацый за 12 месяцаў вырасла на 22,6% — БелстатМатэрыял даступны толькі падпісчыкам ПОЗІРК+
- ЭканомікаНацбанк другі месяц не мяняе разліковыя велічыні стандартнай рызыкіМатэрыял даступны толькі падпісчыкам ПОЗІРК+
- Палітыка
Лукашэнка прызнаў, што ў Беларусь прывозяць дзяцей з "днр", за што яго "ледзь не зацягнулі ў суд"
- Грамадства
У жніўні і з пачатку верасня на беларускіх метэастанцыях зафіксавана больш за 240 тэмпературных рэкордаў
- Палітыка
Еўрапарламент заклікаў ЕС пашырыць санкцыі і працаваць над прыцягненнем рэжыму Лукашэнкі да адказнасці
- ПалітыкаВячорка: Еўрапарламент даў моцны сігнал Лукашэнку, што свет не забываецца на палітвязняўМатэрыял даступны толькі падпісчыкам ПОЗІРК+
- ЭканомікаБудаўніцтва жылля з дзяржпадтрымкай для тых, хто мае патрэбу, скарацілася на 22,6%Матэрыял даступны толькі падпісчыкам ПОЗІРК+
- ЭканомікаДолар і юань падаражэлі на біржавых таргах 19 верасняМатэрыял даступны толькі падпісчыкам ПОЗІРК+
- Палітыка
Еўрапарламент прыняў рэзалюцыю аб становішчы палітвязняў у Беларусі
- Палітыка
Ціханоўская намінуе на пасаду прадстаўніка АПК па сацыяльнай палітыцы Вольгу Зазулінскую
- ГрамадстваУ жніўні і з пачатку верасня на беларускіх метэастанцыях зафіксавана больш за 240 тэмпературных рэкордаў (падрабязна)Матэрыял даступны толькі падпісчыкам ПОЗІРК+
- Грамадства, Палітыка
Ціханоўская: Бел-чырвона-белы сцяг ізноў будзе лунаць над нашай краінай як сімвал вольнай Беларусі
- Палітыка
Еўрапарламент абмеркаваў рэзалюцыю аб становішчы палітвязняў у Беларусі
- ПалітыкаЕўрапарламент абмеркаваў рэзалюцыю аб становішчы палітвязняў у Беларусі (падрабязна)Матэрыял даступны толькі падпісчыкам ПОЗІРК+
- ПалітыкаХроніка палітычных рэпрэсій за 18 верасня 2024 годаМатэрыял даступны толькі падпісчыкам ПОЗІРК+
- ПалітыкаСікорскі назваў уручаную Латушку прэмію імя Валенсы "выражэннем падтрымкі дэмакратычных памкненняў беларусаў"Матэрыял даступны толькі падпісчыкам ПОЗІРК+
- Грамадства, Палітыка
Грамадзянін Латвіі Асарс затрыманы за ўвоз у Беларусь амфетаміну — ДМК
- Палітыка
Праваабаронцы прызналі палітвязнямі яшчэ сем чалавек