У Гаагу перададзеныя новыя звесткі аб дачыненні беларускіх уладаў да перамяшчэння ўкраінскіх дзяцей
24 верасня, Позірк. У Міжнародны крымінальны суд (МКС) у Гаазе на мінулым тыдні перададзеныя “новыя доказы непасрэднага ўдзелу рэжыму Лукашэнкі” ў перамяшчэнні ў Беларусь украінскіх дзяцей, заявіў на сваёй старонцы ў “Фэйсбуку” ўкраінскі праграмны дырэктар праваабарончай арганізацыі Freedom House Юрый Юркевіч.
Паводле яго слоў, з акупаваных Расіяй тэрыторый было перавезена больш за 2.200 дзяцей, гэта рабілася з мэтай іх “палітычнай індактрынацыі і мілітарызацыі адукацыі”.
Акрамя Freedom House, падкрэсліў Юркевіч, у падрыхтоўцы амаль 90 дакументаў удзельнічалі ўкраінскі цэнтр правоў чалавека ZMINA і Рэгіянальны цэнтр па правах чалавека.
Праваабаронцы анансуюць публікацыю 4 кастрычніка ўласнага расследавання аб перамяшчэнні дзяцей у Беларусь. Юркевіч выказаў падзяку за дапамогу ў яго падрыхтоўцы аб’яднанню былых сілавікоў BelPol і праваабарончаму цэнтру “Вясна”.
20 верасня намеснік старшыні Аб’яднанага пераходнага кабінета (АПК), кіраўнік Народнага антыкрызіснага ўпраўлення (НАУ) Павел Латушка заявіў, што, паводле апошніх даных, якія сабрала НАУ, дэпартацыі на тэрыторыю Беларусі было падвергнута звыш 3,5 тыс. дзяцей з больш чым 20 населеных пунктаў, якія знаходзяцца на акупаваных тэрыторыях Украіны.
Паводле яго слоў, у дачыненні да гэтых дзяцей на тэрыторыі Беларусі “ажыццяўляецца перманентная масіраваная індактрынацыя ў інтарэсах “рускага свету”. “Праводзіцца мілітарызацыя дзяцей, іх навучаюць прымяняць зброю. Усё гэта з’яўляецца фактамі, якія пацвярджаюць здзяйсненне ваеннага злачынства”, — сказаў кіраўнік НАУ.
Латушка паведаміў, што яго каманда двойчы перадавала матэрыялы з доказамі здзяйснення злачынства МКС у Гаазе (27 чэрвеня і 7 лістапада. — “Позірк”.). “Мы працягваем штомесяц збіраць дадатковыя доказы, якія пацвярджаюць здзяйсненне дадзенага злачынства як самім Лукашэнкам, так і яго саўдзельнікамі”, — адзначыў палітык.
Акрамя таго, “у працэсуальным парадку” НАУ перадало доказы здзяйснення злачынстваў Лукашэнкі і яго саўдзельнікамі “як у адрас офіса генеральнага пракурора Украіны, так і ў адрас Генеральнай пракуратуры Літвы, дзе вядзецца разбіральніцтва па гэтай крымінальнай справе на нацыянальным узроўні”.
“Нам ужо ўдалося дамагчыся ўнясення ў санкцыйныя спісы за здзяйсненне гэтых злачынных дзеянняў цэлага шэрагу асоб, звязаных з Лукашэнкам, і арганізацый, якія дзейнічаюць на тэрыторыі Беларусі і Расійскай Федэрацыі”, — сказаў Латушка.
Разам з тым, дадаў ён, “расследаванне Міжнароднага крымінальнага суда ў гэтым пытанні — дэпартацыі ўкраінскіх дзяцей — залежыць ад пазіцыі ўкраінскага боку, бо гэта тычыцца грамадзян Украіны”.
- Палітыка
Праваабаронцы прызналі палітвязнямі яшчэ пяць чалавек — іх пераследуюць за выказванні пра Лукашэнку
- Палітыка
Лукашэнка анансаваў перад выбарамі "вельмі жорсткую праверку" ў войску, МУС і КДБ
- Палітыка
У Кіеве абвяшчалі паветраную трывогу праз парушэнне мяжы з боку Беларусі
- Палітыка
У Гаагу перададзеныя новыя звесткі аб дачыненні беларускіх уладаў да перамяшчэння ўкраінскіх дзяцей
- Грамадства, Палітыка
БАЖ рэкамендуе журналістам пераводзіць камунікацыю з "Тэлеграма" на больш бяспечныя пляцоўкі
- Палітыка
Лукашэнка: Беларусі неабходна рыхтавацца да вайны
- Палітыка
Канбера падтрымлівае імкненне беларусаў да справядлівых выбараў — амбасадар Аўстраліі ў Польшчы
- Палітыка
Беларусь не можа ўтрымліваць войска, якое патрэбнае для вайны, заяўляе Лукашэнка
- Эканоміка
Сёмыя запар біржавыя таргі завяршыліся падаражэннем долара
- Грамадства
Санслужба заклапочаная ростам выпадкаў масавага кантакту з хворымі на шаленства жывёламі
- ГрамадстваСанслужба заклапочаная ростам выпадкаў масавага кантакту з хворымі на шаленства жывёламі (падрабязна)Матэрыял даступны толькі падпісчыкам ПОЗІРК+
- Грамадства, Палітыка
Ціханоўская прапанавала краінам ЕС зрабіць бясплатнымі візы для беларускай моладзі
- Грамадства, ПалітыкаЦіханоўская прапанавала краінам ЕС зрабіць бясплатнымі візы для беларускай моладзі (падрабязна)Матэрыял даступны толькі падпісчыкам ПОЗІРК+
- ГрамадстваЗ 2020 па 2023 год колькасць выпадкаў шаленства ў Беларусі знізілася на 73%Матэрыял даступны толькі падпісчыкам ПОЗІРК+
- ГрамадстваМедыкі фіксуюць "заканамерны ўздым" захваральнасці на вострыя рэспіраторныя інфекцыіМатэрыял даступны толькі падпісчыкам ПОЗІРК+
- Грамадства, ЭканомікаУ жніўні намінальны сярэдні заробак знізіўся на 0,6% (падрабязна)Матэрыял даступны толькі падпісчыкам ПОЗІРК+
- Грамадства, Эканоміка
У жніўні намінальны сярэдні заробак знізіўся на 0,6%
- Грамадства, Палітыка
Мінскае ўпраўленне МНС адпрацуе "парадак пераводу сіл і сродкаў на ваенны час"
- Палітыка
На фоне выпадкаў уварвання дронаў у неба Беларусі Лукашэнка абмяркоўвае з вайскоўцамі беспілотную авіяцыю
- Грамадства
У Беларусі пакуль не зноўдзены варыянт каранавіруса ХЕС, сцвярджае Мінздароўя
- Палітыка, Эканоміка
Новая Зеландыя ўвяла чарговыя санкцыі за ролю Беларусі ў вайне РФ супраць Украіны (дапоўнена)
- Палітыка, Эканоміка
Новая Зеландыя ўвяла чарговыя санкцыі за ролю Беларусі ў вайне РФ супраць Украіны
- Палітыка
ЕС працягне падтрымліваць народ Беларусі, запэўнівае Барэль, што пакідае пасаду кіраўніка еўрапейскай дыпламатыі
- Грамадства
Беларус і тры расіяніны затрыманы ў Чадзе — МЗС РФ
- Грамадства, Эканоміка
Пасля 2020 года ў Беларусі расце колькасць звольненых за "прагулы і іншыя парушэнні працоўнай дысцыпліны"
- Грамадства, ЭканомікаПасля 2020 года ў Беларусі расце колькасць звольненых за "прагулы і іншыя парушэнні працоўнай дысцыпліны" (падрабязна)Матэрыял даступны толькі падпісчыкам ПОЗІРК+
- Грамадства, ПалітыкаЗа 100 дзён дзеяння буфернай зоны колькасць спробаў нелегальнай міграцыі ў Польшчу з Беларусі скарацілася ў 2,8 разаМатэрыял даступны толькі падпісчыкам ПОЗІРК+
- ПалітыкаХроніка палітычных рэпрэсій за 21–23 верасня 2024 годаМатэрыял даступны толькі падпісчыкам ПОЗІРК+
- Грамадства, Палітыка
Па факце замаху на забойства супрацоўнікаў міліцыі у Магілёве ўзбуджана крымінальная справа
- Палітыка
Сергеенка, які заклікаў не скажаць гісторыю лічыць, што Магілёўшчыну абаранялі ад нацыстаў ужо ў 1939 годзе