Курсы долара і еўра абнавілі гадавы максімум

9 кастрычніка, Позірк. Амерыканская, адзіная еўрапейская, а таксама кітайская валюты другі дзень запар падаражэлі на таргах Беларускай валютна-фондавай біржы.

Курс долара 9 кастрычніка вырас да 3,2909 рубля (+0,0057; +0,17%), зноў абнавіўшы гадавы максімум, які быў зафіксаваны днём раней.

Еўра падаражэў да 3,6446 рубля (+0,0253; +0,70%) і таксама абнавіў гадавы максімум, курс юаня вырас да 4,7308 рубля за 10 (+0,0285; +0,61%).

Расійскі рубель патаннеў да 3,4345 за 100 (-0,0127; -0,37%).

На мінулым працоўным тыдні (30 верасня — 4 кастрычніка) долар падаражэў на 1,12% (з 3,2163 да 3,2524), еўра — на 0,42% (з 3,605 да 3,6200), юань — на 0, 63% (з 4,6307 да 4,6600 за 10), курс расійскага рубля знізіўся на 0,52% (з 3,4762 да 3.4581 за 100).

Афіцыйны курс долара ў Беларусі ў студзені знізіўся на 0,01% (з 3,1775 да 3,1771 рубля) — гэта быў шосты паказчык на тэрыторыі былога СССР; у лютым — вырас на 1,95% (да 3,2391) — другое месца пасля Расіі (+2,89%), за два месяцы — на 1,94% (шостае месца); у сакавіку — на 0,33% (да 3,2498) — пятае месца, за тры месяцы — на 2,28% (трэцяе); у красавіку — на 0,14% (да 3,2542) — шостае месца, за чатыры месяцы — на 2,41%; у траўні — знізіўся на 1,48% (да 3,2059) — трэцяе месца, за пяць месяцаў — вырас на 0,89% (восьмае).

У чэрвені долар патаннеў на 1,36% (да 3,1624) — трэцяе месца, па выніках першага паўгоддзя — на 0,48% (пятае месца); у ліпені — на 0,87% (да 3,1349) — сёмае месца, за сем месяцаў — на 1,34% (пятае). У жніўні вырас на 1,55% (да 3,1834 рублі) — другое месца, за восем месяцаў — на 0,19% (пятае), у верасні — на 0,88% (да 3,2113 рубля) — трэцяе месца, за дзевяць месяцаў — на 1,06% (шостае).

За 2023 год каціроўка долара павялічылася на 16,12% (з 2,7364 да 3,1775 рубля). Гэта другі паказчык на постсавецкай прасторы, сведчыць праведзены “Позіркам” параўнальны аналіз каціровак цэнтрабанкаў на 31 снежня 2022 года і 31 снежня 2023-га. На першым месцы Расія — 27,51% (з 70,3375 да 89,6883 рубля).