У “спіс экстрэмістаў” дададзена яшчэ 34 чалавекі, у тым ліку 16 палітвязняў

11 кастрычніка, Позірк. У пералік “асоб, якія маюць дачыненне да экстрэмісцкай дзейнасці”, 11 кастрычніка дададзена яшчэ 34 чалавекі. Цяпер у дакуменце, апублікаваным на сайце Міністэрства ўнутраных спраў, 4.523 пазіцыі.

Усе ўнесеныя ў абноўлены спіс людзі асуджаныя паводле артыкулаў, якія ўлады выкарыстоўваюць для палітычнага пераследу, аднак статус палітвязня праваабарончая супольнасць надала 16 з іх.

Гэта прыгавораныя паводле ч. 1 арт. 342 Крымінальнага кодэкса Арцём Дзёгцеў, Іван Лапкоўскі і Аляксандр Новік (усе — 1 год), Віталь Наўгародскі і Яўген Раманаў (абодва — 1,5 года), Алег Саргавіцкі, Валянцін Суцягін, Максім Хмяльніцкі (усе — 2 гады), Вячаслаў Колаўсаў ( 3 гады), а таксама — Аляксандр Сабалеўскі(ч. 1 і 3 арт. 361¹; 4 гады), Яўген Глушкоў (ч. 3 арт. 361¹; 3 гады); Надзея Каранкевіч (арт. 361², ч. 2 арт. 361³; тэрмін невядомы), Антон Станкевіч (арт. 361²; тэрмін невядомы), Станіслаў Шапель (ч. 1 арт. 356; тэрмін невядомы), Ірына Бандарэнка (ч. 1 і 2 арт. 361⁴; 3 гады), Наталля Левая (ч. 1 і 2 арт. 361², ч. 1 арт. 14, ч. 2 арт. 361², ч. 2 арт. 361³; 6 гадоў).

Іншыя асобы, унесеныя ў пералік:

Аляксей Барэйша — ч. 1 арт. 342;
Таццяна Залаціліна — ч. 1 арт. 342;
Антаніна Малама — ч. 1 арт. 342;
Дар’я Давыдзенка-Тарасік — ч. 1 арт. 342;
Сяргей Тарасік — ч. 1 арт. 342;
Вольга Дзенісенка — ч. 1 арт. 342;
Алена Гуцік — ч. 1 арт. 342;
Аляксандр Залатарэвіч — ч. 1 арт. 130, ч. 3 арт. 361¹, ч. 1 арт. 368;
Сяргей Станкевіч — ч. 1 арт. 361⁴;
Лізавета Макрыдзіна — ч. 1 арт. 342;
Андрэй Рабякоў — ч. 1 арт. 368;
Андрэй Карповіч — ч. 1 арт. 342;
Дзмітрый Глушчанка — ч. 1 арт. 342;
Ала Мішчук — ч. 1 арт. 342;
Юлія Жур — ч. 1 арт. 342;
Дзмітрый Міхальцэвіч — ч. 1 арт. 342;
Аляксей Далматаў — ч. 3 арт. 361¹, арт. 369;
Віталь Жалезнякоў — ч. 1 арт. 130, ч. 1 арт. 367.

Фінансавыя аперацыі асоб, уключаных у “спіс экстрэмістаў”, кантралююцца “з мэтай прадухілення легалізацыі даходаў, атрыманых злачынным шляхам, і фінансавання экстрэмісцкай дзейнасці”.

Даведка “Позірку”:

ч. 1 арт. 130 — наўмысныя дзеянні, скіраваныя на ўзбуджэнне расавай, нацыянальнай, рэлігійнай або іншай сацыяльнай варожасці або варажнечы паводле прыкметы расавай, нацыянальнай, рэлігійнай, моўнай ці іншай сацыяльнай прыналежнасці;
ч. 1 арт. 342 — арганізацыя групавых дзеянняў, якія груба парушаюць грамадскі парадак і спалучаюцца з відавочным непадпарадкаваннем законным патрабаванням прадстаўнікоў улады або пацягнулі парушэнне працы транспарту, прадпрыемстваў, устаноў або арганізацый, або актыўны ўдзел у такіх дзеяннях пры адсутнасці прыкмет больш цяжкага злачынства;
ч. 1 арт. 361¹ — стварэнне экстрэмісцкага фарміравання, а таксама фарміравання, дзейнасць якога скіраваная на рэабілітацыю нацызму, або кіраўніцтва такім фарміраваннем або структурным падраздзяленнем, што ў яго ўваходзіць;
ч. 2 арт. 361¹ — апісаныя вышэй дзеянні, здзейсненыя паўторна або службовай асобай з выкарыстаннем сваіх службовых паўнамоцтваў;
ч. 3 арт. 361¹ — уваходжанне асобы ў склад экстрэмісцкага фарміравання ў мэтах здзяйснення злачынства экстрэмісцкай скіраванасці (удзел у экстрэмісцкім фарміраванні);
ч. 2 арт. 361³ — вярбоўка, навучанне, іншая падрыхтоўка або выкарыстанне грамадзян Беларусі або асоб без грамадзянства, якія пастаянна пражываюць у Беларусі, для ўдзелу на тэрыторыі замежнай дзяржавы ва ўзброеным фарміраванні аднаго з бакоў, ва ўзброеных канфліктах, ваенных дзеяннях, а таксама фінансаванне або іншае матэрыяльнае забеспячэнне такой дзейнасці;
арт. 361² — фінансаванне экстрэмісцкай дзейнасці;
ч. 1 арт. 356 — выдача замежнай дзяржаве, міжнароднай або замежнай арганізацыі або іх прадстаўнікам дзяржсакрэтаў Беларусі, а таксама звестак, якія складаюць дзяржсакрэты замежных дзяржаў, міжнародных арганізацый, міждзяржаўных утварэнняў, перададзеных Беларусі на падставе міжнародных дагавораў або ў сувязі з яе ўдзелам у гэтых арганізацыях; або шпіянаж, або пераход на бок ворага падчас вайны або ўзброенага канфлікту, або іншае аказанне дапамогі замежнай дзяржаве, міжнароднай або замежнай арганізацыі або іх прадстаўнікам у правядзенні дзейнасці, скіраванай на прычыненне шкоды нацбяспецы Беларусі, наўмысна здзейсненыя грамадзянінам Беларусі (здрада дзяржаве);
ч. 1 арт. 361⁴ — вярбоўка, іншае ўцягванне асобы ў экстрэмісцкую дзейнасць, навучанне, а роўна іншае садзейнічанне экстрэмісцкай дзейнасці;
ч. 2 арт. 361⁴ — апісаныя вышэй дзеянні, здзейсненыя паўторна, або групай асоб на падставе папярэдняй змовы, або службовай асобай з выкарыстаннем сваіх службовых паўнамоцтваў;
ч. 1 арт. 367 — паклёп у дачыненні да прэзідэнта, які ўтрымліваецца ў публічным выступе, друкаваным або публічна дэманстраваным творы, СМІ, інтэрнэце;
ч. 1 арт. 368 — публічная абраза прэзідэнта;
ст. 369 — абраза прадстаўніка ўлады або яго блізкіх у сувязі з выкананнем ім службовых абавязкаў, здзейсненая ў публічным выступе, друкаваным ці публічна дэманстраваным творы, СМІ або інтэрнэце.