Цэны на прампрадукцыю выраслі ў Беларусі за год на 8%
13 кастрычніка, Позірк. У жніўні 2024 года цэны вытворцаў прамысловай прадукцыі ў Еўразійскім эканамічным саюзе (ЕАЭС) у параўнанні з ліпенем выраслі на 1,3% (да жніўня 2023-га — на 10%), сведчаць статыстычныя даныя Еўразійскай эканамічнай камісіі.
У Кыргызстане яны павялічыліся на 2,3% (+14,8%), Расіі — на 1,4% (+10,2%), Казахстане — на 1,2% (+9,1%), Беларусі — на 0,2% (+8,1%); у Арменіі знізіліся на 1,4% (+3,5%) адпаведна.
Па выніках студзеня — жніўня Беларусь заняла другое месца ў саюзе па росце прамысловай вытворчасці ў параўнанні з аналагічным перыядам 2023-га, сведчыць праведзены “Позіркам“ аналіз даных дэпартамента статыстыкі ЕЭК.