У Беларусі ўзніклі праблемы з доступам да “Жывога Часопіса”

13 кастрычніка, Позірк. Карыстальнікі “Жывога Часопіса”, якія знаходзяцца на тэрыторыі Беларусі, скардзяцца ў сацсетках на недаступнасць інтэрнэт-сэрвісу.

Як высветліў “Позірк”, сайт “ЖЧ” (livejournal.com) сапраўды недаступны ў Беларусі пры спробе ўваходу без выкарыстання VPN.

Прычыны невядомыя. Міністэрства інфармацыі і іншыя дзяржорганы Беларусі не паведамлялі аб абмежаванні доступу да “ЖЧ”.

Раней праблемы з доступам да “ЖЧ” былі ў Беларусі падчас кампаніі па выбарах прэзідэнта ў 2010 годзе.

“Жывы Часопіс” — інтэрнэт-платформа для вядзення карыстальніцкіх блогаў, дае магчымасць публікаваць свае і каментаваць чужыя допісы, весці калектыўныя блогі, дадаваць у сябры іншых карыстальнікаў, чытаць іх запісы і інш.