Кубракоў назваў прэзідэнцкія выбары “чарговым іспытам” для МУС
25 кастрычніка, Позірк. “Будучая выбарчая кампанія стане чарговым іспытам для органаў унутраных спраў і ўнутраных войскаў. Неабходна прыкласці максімум намаганняў для падтрымання на высокім узроўні сабранасці, арганізаванасці і дысцыплінаванасці асабістага складу”, — заявіў 25 кастрычніка кіраўнік МУС Іван Кубракоў на пасяджэнні калегіі ведамства.
Паводле яго слоў, якія перадае прэс-служба МУС, “ужо з лістапада наступіць актыўная фаза правядзення вучэнняў і трэніровак”. “Пачынаючы з ідэалагічных мерапрыемстваў, маніторынгу стану грамадскай бяспекі ў кожным населеным пункце, адпрацоўкі баявога зладжвання, функцыянавання аператыўна-сітуацыйных штабоў, заканчваючы працай спецпадраздзяленняў па вызваленні закладнікаў і спыненні захопу адміністрацыйных будынкаў з масавым знаходжаннем грамадзян”, — удакладніў чыноўнік.
У перыяд выбараў у Беларусі (звычайна за дзень да пачатку датэрміновага галасавання) асабісты склад органаў МУС традыцыйна пераводзіцца на ўзмоцнены варыянт нясення службы.
У каментарыі, распаўсюджаным прэс-службай МУС 24 лютага гэтага года, у дзень правядзення парламенцкіх і мясцовых выбараў, паведамлялася, што “ў мэтах збору інфармацыі, аналізу абстаноўкі і выпрацоўкі рашэнняў у МУС, абласных упраўленнях і тэрытарыяльных органах унутраных спраў функцыянуюць аператыўна-сітуацыйныя штабы, ахова грамадскага парадку забяспечваецца на кожным выбарчым участку ў кругласутачным рэжыме”.
Сцвярджалася, што “нарады адзінай дыслакацыі набліжаныя да месцаў правядзення галасавання”, “выкарыстоўваецца патэнцыял добраахвотных дружын, ветэранскіх арганізацый і БРСМ”, “для аказання садзейнічання супрацоўнікам на выбарчых участках задзейнічана неабходная колькасць груп хуткага рэагавання ў поўнай экіпіроўцы”.
Пры гэтым з дапамогай сістэм відэаназірання праводзіўся маніторынг абстаноўкі ў грамадскіх месцах і на тэрыторыі, прылеглай да выбарчых участкаў.
Пра тое, што перад парламенцкімі выбарамі “на поўную магутнасць” запрацавала ўведзеная ў эксплуатацыю сістэма грамадскага маніторынгу бяспекі, заяўляў дзяржаўны сакратар Савета бяспекі Аляксандр Вальфовіч 22 лютага: “Гэта значыць, звыш 30 тыс. камер па ўсёй краіне, якія адсочваюць абстаноўку”.
Прэзідэнцкія выбары ў Беларусі прызначаныя на 26 студзеня 2025 года.
- Палітыка
- Палітыка
- Грамадства, ЭканомікаПрадстаўнік МАЗа патлумачыў узгаранні аўтобусаў у Расіі парушэннем правілаў эксплуатацыіМатэрыял даступны толькі падпісчыкам ПОЗІРК+
- Грамадства, Палітыка
- Палітыка
- ГрамадстваВыкіды ад транспарту скараціліся на 6% — МінпрыродыМатэрыял даступны толькі падпісчыкам ПОЗІРК+
- Грамадства, ПалітыкаЛітва спыніла рэкордную за апошнія шэсць тыдняў колькасць спробаў пранікнення нелегалаў з БеларусіМатэрыял даступны толькі падпісчыкам ПОЗІРК+
- Эканоміка
- Грамадства
- Палітыка
- Грамадства, Палітыка
- Грамадства, Палітыка
- Эканоміка
- Грамадства, Палітыка
- Палітыка
- Грамадства, Палітыка
- Грамадства, Палітыка
- Грамадства
- ЭканомікаЗа восем месяцаў 2024 года ў двух рэгіёнах Беларусі павялічылася ўдзельная вага стратных прадпрыемстваўМатэрыял даступны толькі падпісчыкам ПОЗІРК+
- Грамадства
- Выбары, Палітыка
- Палітыка
- Выбары, Палітыка"Так званыя выбары" 2025 года не паўплываюць на ролю Ціханоўскай як лідара дэмсіл Беларусі — прадстаўнік ЕС СтанаМатэрыял даступны толькі падпісчыкам ПОЗІРК+
- Палітыка
- Грамадства, ПалітыкаХроніка палітычных рэпрэсій за 24 кастрычніка 2024 годаМатэрыял даступны толькі падпісчыкам ПОЗІРК+
- Палітыка
- Палітыка
- Грамадства, Палітыка
- Палітыка
- Палітыка