Долар і расійскі рубель падаражэлі на біржавых таргах 30 кастрычніка
30 кастрычніка, Позірк. Амерыканская і расійская валюты падаражэлі на таргах Беларускай валютна-фондавай біржы 30 кастрычніка.
Курс даляра вырас да 3,3185 рубля (0,0058; 0,18%). Гэта новы гадавы максімум. Папярэдні быў устаноўлены на таргах 17 кастрычніка, калі амерыканская валюта падаражэла да 3,3119 рубля (0,0015; 0,05%).
Расійскі рубель падаражэў да 3,4256 за 100 (0,0052; 0,15%).
Юань патаннеў да 4,671 рубля за 10 (-0,0042; -0,09%).
Таргі еўра не праводзіліся. Напярэдадні ён умацаваўся да 3,6026 рубля (0,0067; 0,19%).
На мінулым працоўным тыдні (21–25 кастрычніка) долар падаражэў на 0,05% (з 3,2948 да 3,2965), расійскі рубель — на 0,37% (з 3,412 да 3,4246 за 100), юань — на 0,13% (з 4,6389 да 4,645 за 10); еўра патаннеў на 0,66% (з 3,606 да 3,5823).
Афіцыйны курс долара ў Беларусі ў студзені знізіўся на 0,01% (з 3,1775 да 3,1771 рубля) — гэта быў шосты паказчык на тэрыторыі былога СССР; у лютым — вырас на 1,95% (да 3,2391) — другое месца пасля Расіі (2,89%), за два месяцы — на 1,94% (шостае месца); у сакавіку — на 0,33% (да 3,2498) — пятае месца, за тры месяцы — на 2,28% (трэцяе); у красавіку — на 0,14% (да 3,2542) — шостае месца, за чатыры месяцы — на 2,41%; у траўні — знізіўся на 1,48% (да 3,2059) — трэцяе месца, за пяць месяцаў — вырас на 0,89% (восьмае).
У чэрвені долар патаннеў на 1,36% (да 3,1624) — трэцяе месца, па выніках першага паўгоддзя — на 0,48% (пятае месца); у ліпені — на 0,87% (да 3,1349) — сёмае месца, за сем месяцаў — на 1,34% (пятае), у жніўні — вырас на 1,55% (да 3,1834) — другое месца, за восем месяцаў — на 0,19% (пятае), у верасні — на 0,88% (да 3,2113 рубля) — трэцяе месца, за дзевяць месяцаў — на 1,06% (шостае).
За 2023 год каціроўка долара павялічылася на 16,12% (з 2,7364 да 3,1775 рубля). Гэта другі паказчык на постсавецкай прасторы, сведчыць праведзены “Позіркам” параўнальны аналіз каціровак цэнтрабанкаў на 31 снежня 2022 года і 31 снежня 2023-га. На першым месцы Расія — 27,51% (з 70,3375 да 89,6883 рубля).