Колькасць вакансій у Беларусі вырасла за год амаль на 20% — ЕЭК
19 снежня, Позірк. Колькасць вакансій у службе занятасці насельніцтва вырасла ў Беларусі ў кастрычніку на 1,3% у параўнанні з вераснем (у гадавым вымярэнні — на 19,2%), вынікае з праведзенага “Позіркам“ аналізу даных Еўразійскай эканамічнай камісіі.
У Арменіі, Кыргызстане і Расіі адзначана зніжэнне гэтага паказчыка на 17% (-33,3%), 3,6% (+35%) і 6,4% (-3,5%) адпаведна. Даныя Казахстана не прыводзяцца.
У кастрычніку ў Еўразійскім эканамічным саюзе было працаўладкавана 173,8 тыс. незанятых грамадзян (на 1,9% менш, чым месяцам раней, і на 2,9%, чым у кастрычніку 2023-га). Усяго за 10 месяцаў працу ў ЕАЭС атрымалі 1,4 млн чалавек.