Курсы долара, еўра і юаня выраслі на апошніх біржавых таргах 2024 года

30 снежня, Позірк. Амерыканская, агульная еўрапейская, а таксама кітайская валюты падаражэлі на апошніх таргах Беларускай валютна-фондавай біржы ў 2024 годзе.

Курс долара вырас да 3,4735 (+0,0434; +1,27%), еўра — да 3,5753 (+0,0138; +0,39%), юаня — да 4,85 за 10 (+0,0746; +1,56%).

Каціроўка расійскага рубля знізілася да 3,3488 за 100 (-0,0568; -1,67%).

На мінулым рпацоўным тыдні (23–27 снежня) долар патаннеў на 0,48% (з 3,4468 да 3,4301), еўра — на 1,35% (з 3,58 да 3,5615); расійскі рубель падаражэў на 0,54% (з 3,3875 да 3,4058 за 100), юань — на 0,28% (з 4,7622 да 4,7754 за 10).

У гадавым вымярэнні амерыканская валюта падаражэла на 9,32% (апошнюю сесію 2023 года долар закончыў на адзнацы 3,1775 рубля), кітайская — на 9,2% (4,4414 за 10), агульная еўрапейская — на 1,57% (3,52); расійская патаннела на 4,3% (3,4991 за 100).

Афіцыйны курс долара ў Беларусі ў студзені знізіўся на 0,01% (з 3,1775 да 3,1771 рубля) — гэта быў шосты паказчык на тэрыторыі былога СССР; у лютым — вырас на 1,95% (да 3,2391) — другое месца пасля Расіі (+2,89%), за два месяцы — на 1,94% (шостае месца); у сакавіку — на 0,33% (да 3,2498) — пятае месца, за тры месяцы — на 2,28% (трэцяе); у красавіку — на 0,14% (да 3,2542) — шостае месца, за чатыры месяцы — на 2,41%; у маі — знізіўся на 1,48% (да 3,2059) — трэцяе месца, за пяць месяцаў — вырас на 0,89% (восьмае).

У чэрвені долар патаннеў на 1,36% (да 3,1624) — трэцяе месца, паводле вынікаў першага паўгоддзя — на 0,48% (пятае месца); у ліпені — на 0,87% (да 3,1349) — сёмае месца, за сем месяцаў — на 1,34% (пятае), у жніўні — вырас на 1,55% (да 3,1834) — другое месца, за восем месяцаў — на 0,19% (пятае), у верасні — на 0,88% (да 3,2113 рубля) — трэцяе месца, за дзевяць месяцаў — на 1,06% (шостае), у кастрычніку — на 3,34% (да 3,3185 рубля) — трэцяе месца, за дзесяць месяцаў — на 4,44% (чацвёртае), у лістападзе — на 8,34% (да 3,5951 рубля) — другое месца, за 11 месяцаў — на 8,34% (другое).

За 2023 год каціроўка долара павялічылася на 16,12% (з 2,7364 да 3,1775 рубля). Гэта другі паказчык на постсавецкай прасторы, сведчыць праведзены “Позіркам” параўнальны аналіз каціровак цэнтрабанкаў на 31 снежня 2022 года і 31 снежня 2023-га. На першым месцы Расія — 27,51% (з 70,3375 да 89,6883 рубля).