МНС папярэджвае пра ўзмацненне ветра на большай частцы Беларусі
2 студзеня, Позірк. На большай частцы Беларусі 2 студзеня прагназуецца ўзмацненне паўднёва-заходняга, заходняга ветру хуткасцю 6–11 метраў на секунду. У многіх раёнах парывы могуць дасягаць 15–20 м/с, месцамі — 21–24 м/c, папярэджвае Міністэрства па надзвычайных сітуацыях.
Шкала Бофарта класіфікуе вецер хуткасцю 6–7, 8–10, 11–13 м/c як умераны, свежы і моцны адпаведна (4, 5 і 6 балаў з 12), 14–17, 18–20 м/с — дужы і вельмі дужы (7 і 8 балаў), 21–24 м/c — шторм (9 балаў).
Такія ўмовы надвор’я, адзначае МНС, могуць прывесці да пашкоджання або абрыву ліній сувязі і электраперадачы, парушэння электразабеспячэння, адключэння электрычных падстанцый, электраэнергіі ў населеных пунктах, а таксама пашкоджання або абвальвання слаба ўмацаваных канструкцый, дахаў будынкаў, збудаванняў, падзення дрэў.
На большай частцы краіны прагназуюцца ападкі — дождж і мокры снег; тэмпература паветра — ад 2 да 8 градусаў цяпла.
КДК адхіліў новаўвядзенні ў сістэму рэагавання на надзвычайныя сітуацыі, дакумент прадставіла МНС пасля ліпеньскага ўрагану
Апублікавана на адкрытай версіі "Позірку" 28 снежня ў 12:55. 27 снежня, Позірк. Камітэт дзяржкантролю (КДК) не ўзгадніў праект Плана па ўдасканаленні функцыянавання дзяржаўнай сістэмы папярэджання і ліквідацыі надзвычайных сітуацый (ДСНС), вынікае са службовага ліста намесніка старшыні ведамства Андрэй Лабовіча, копію …
Гл. таксама:
Нявывучаны ўрок. Ураган паказаў, што ўлада бяздушная і не гатовая да сапраўдных выклікаў (на рускай мове)