Долар і юань патаннелі перад выходнымі

24 студзеня, Позірк. Амерыканская і кітайская валюты патаннелі на таргах Беларускай валютна-фондавай біржы 24 студзеня 2025 года.

Каціроўка долара знізілася да 3,4147 рубля (-0,0015; -0,04%), юаня — да 4,6647 за 10 (-0,0175; -0,37%).

Расійскі рубель падаражэў да 3,4235 за 100 (+0,0114; +0,33%), еўра — да 3,558 (+0,0043; +0,12%).

На гэтым працоўным тыдні (20–24 студзеня) долара патаннеў на 1,74% (з 3,4751 да 3,4147 рубля), юань — на 1,69% (з 4,7448 да 4,6647 за 10), еўра — на 0,62% (з 3,5802 да 3,558); расійскі рубель падаражэў на 1,69% (з 3,3667 да 3,4235 за 100).

Афіцыйны курс долара ў Беларусі ў 2024 годзе вырас на 9,32% (з 3,1775 да 3,4735 рублі). Гэта чацвёрты паказчык на тэрыторыі былога СССР, сведчыць праведзены “Позіркам“ параўнальны аналіз каціровак цэнтрабанкаў на 31 снежня 2023 года і 31 снежня 2024-га.

У 2023 годзе ў Беларусі было другое месца паводле росту афіцыйнага курсу долара (+16,12%), у 2022-м — трэцяе (+7,39%), у 2021-м — чацвёртае сярод краін на тэрыторыі былога СССР, дзе долар патаннеў (-1,19%), у 2020-м — першае месца паводле яго падаражэння (+22,59%).