Банкі за 12 месяцаў павялічылі прыбытак на 659,5 млн рублёў

30 студзеня, Позірк. Прыбытак банкаў, якія працуюць у Беларусі, на 1 студзеня 2025 года склаў 3 млрд 599 млн рублёў — на 22,4% больш, чым на аналагічную дату 2024-га (2 млрд 939,5 млн), сведчыць праведзены “Позіркам“ аналіз звестак Нацыянальнага банка.

За месяц гэты паказчык павялічыўся на 173,3 млн рублёў (на 1 снежня 2024-га — 3 млрд 425,7 млн; +5,1%).

Нарматыўны капітал павялічыўся за год на 14% (з 19 млрд 961,4 млн на 1 студзеня 2024-га да 22 млрд 758,4 млн рублёў на 1 студзеня 2025-га), актывы, схільныя да крэдытнай рызыкі, — на 15,8% (з 98 млрд 868 млн да 112 млрд 204,1 млн).

Велічыня пакрыцця ліквіднасці паменшылася на 8,9 працэнтнага пункта (з 157,8% да 143,7%), а чыстага стабільнага фандавання стала больш на 1,3 п.п. (з 132,6% да 133,9%).

На 1 студзеня 2025 года ў Беларусі налічваўся 21 банк.

Афіцыйны курс долара ў Беларусі ў 2024 годзе вырас на 9,32% (з 3,1775 да 3,4735 рубля). Гэта чацвёрты паказчык на тэрыторыі былога СССР, сведчыць праведзены “Позіркам” параўнальны аналіз каціровак цэнтрабанкаў на 31 снежня 2023 года і 31 снежня 2024-га.