У ДТЗ з матацыклам у Ашмянскім раёне загінулі два чалавекі, у тым ліку непаўнагадовы
2 лютага, Позірк. Два чалавекі загінулі ў дарожна-транспартным здарэнні ўвечары 1 лютага ў Ашмянскім раёне (Гродзенская вобласць), паведамляе прэс-служба Следчага камітэта.
Паводле папярэдніх звестак, 27-гадовы кіроўца матацыкла каля вёскі Гальшаны не даў перавагу аўтамабілю “Шкода”, які рухаўся па галоўнай дарозе.
“У выніку сутыкнення байкер і яго 16-гадовы пасажыр атрымалі траўмы, ад якіх памерлі на месцы. Кіроўца легкавушкі дастаўлены ў бальніцу”, — гаворыцца ў паведамленні.
Узбуджана крымінальная справа паводле ч. 2 арт. 317 КК (парушэнне правілаў дарожнага руху, якое пацягнула па неасцярожнасці смерць чалавека).
У выніку аўтааварыі ў Гомелі пацярпела дзевяць чалавек, у тым ліку двое дзяцей
25 студзеня, Позірк. Дзевяць чалавек, сярод якіх двое дзяцей, пацярпела 25 студзеня ў выніку аўтамабільнай аварыі ў Гомелі, паведамляе прэс-служба Міністэрства аховы здароўя. На месца здарэння прыбыло пяць брыгад хуткай медыцынскай дапамогі, у тым ліку дзве фельчарскія і тры — інтэнсіўнай тэрапіі. …