Курсы долара, еўра і юаня знізіліся на біржавых таргах 4 лютага

4 лютага, Позірк. Амерыканская, агульная еўрапейская, а таксама кітайская валюты патаннелі на таргах Беларускай валютна-фондавай біржы 4 лютага 2025 года.

Каціроўка долара знізілася да 3,4169 рубля (-0,0141; -0,41%), еўра — да 3,522 (-0,008; -0,23%), юаня — да 4,6475 за 10 (-0,0132; -0,28%).

Расійскі рубель падаражэў да 3,4364 за 100 (+0,0045; +0,13%).

На мінулым працоўным тыдні (27–31 студзеня) долар патаннеў на 0,42% (з 3,4147 да 3,4003 рубля), еўра — на 0,15% (з 3,558 да 3,5525); юань падаражэў на 0,06% (з 4,6647 да 4,6674 за 10), расійскі рубель — на 0,52% (з 3,4235 да 3,4412 за 100).

На 1,73% (з 3,4735 да 3,4134 рублі) знізіўся афіцыйны курс долара ў Беларусі ў студзені. Гэта другі паказчык на тэрыторыі былога СССР, сведчыць праведзены “Позіркам” параўнальны аналіз каціровак цэнтрабанкаў на 31 снежня 2024 года і 31 студзеня 2025-га. На першым месцы Расія, дзе долар афіцыйна патаннеў на 3,61% (з 101,6797 да 98,0062 рубля).

Аналіз “Позірку” таксама паказаў, што афіцыйны курс долара ў Беларусі ў 2024 годзе вырас на 9,32% (з 3,1775 да 3,4735 рублі). Гэта чацвёрты паказчык на тэрыторыі былога СССР.

У 2023 годзе ў Беларусі было другое месца ў росце афіцыйнага курсу долара (+16,12%), у 2022-м — трэцяе (+7,39%), у 2021-м — чацвёртае сярод краін на тэрыторыі былога СССР, дзе долар патаннеў (-1,19%), у 2020-м — першае месца паводле яго падаражэння (+22,59%).