Колькасць загінулых на пажарах з пачатку года дасягнула 125

22 лютага, Позірк. 125 чалавек загінула на пажарах з пачатку 2025 года, вынікае са статыстыкі МНС.

У мінулыя суткі (з 6 гадзін 21 лютага да 6 гадзін 22-га) ахвярамі пажараў стала 3 чалавекі: пенсіянер 1960 года нараджэння (вёска Замосце Уздзенскага раёна Мінскай вобласці; у жылым доме), пенсіянерка 1958 г.н. (вёска Ігоўка Добрушскага раёна Гомельскай вобласці; у кватэры) і грамадзянін з неназваным статусам 1984 г.н. (пасёлак Рассвет Клецкага раёна Мінскай вобласці; у гаражы).

У параўнанні з аналагічным леташнім перыядам колькасць загінулых на пажарах павялічылася на 17,9% (было 106), колькасць загінулых дзяцей не змянілася (1 і 1).

Траўмаваных стала менш на 15% (68 супраць 80).

Будынкаў знішчана на 18% больш (118 супраць 100), пашкоджана на 20,4% больш (667 супраць 554).