Усе асноўныя валюты падаражэлі на біржавых таргах 27 лютага 2025 года

27 лютага, Позірк. Усе асноўныя замежныя валюты падаражэлі на таргах Беларускай валютна-фондавай біржы 27 лютага 2025 года.

Каціроўка долара вырасла да 3,177 рубля (+0,034; +1,08%), юаня — да 4,3114 рубля за 10 (+0,0098; +0,23%), еўра — да 3,3013 (+0,0113; +0,34%), расійскага рубля — да 3,6114 за 100 (+0,0009; +0,02%).

На мінулым працоўным тыдні (17-21 лютага) долар патаннеў на 1,72% (з 3,2633 да 3,2071 рубля), еўра — на 1,07% (з 3,3862 да 3,35), юань — на 1,68% (з 4,4384 да 4,364 за 10); расейскі рубель падаражэў на 0,78% (з 3,5393 да 3,5669 за 100).

На 1,73% (з 3,4735 да 3,4134 рубля) знізіўся афіцыйны курс долара ў Беларусі ў студзені. Гэта другі паказчык на тэрыторыі былога СССР, сведчыць праведзены “Позіркам” параўнальны аналіз (https://aianalyticsweb.com/be/news/124495/) каціровак цэнтрабанкаў на 31 снежня 2024 года і 31 студзеня 2025-га. На першым месцы Расія, дзе долар афіцыйна патаннеў на 3,61% (са 101,6797 да 98,0062 рубля).

Аналіз таксама паказаў, што афіцыйны курс долара ў Беларусі ў 2024 годзе вырас на 9,32% (з 3,1775 да 3,4735 рубля). Гэта чацвёрты паказчык на тэрыторыі былога СССР.

У 2023 годзе ў Беларусі было другое месца па росце афіцыйнага курсу долара (+16,12%), у 2022-м — трэцяе (+7,39%), у 2021-м — чацвёртае сярод краін на тэрыторыі былога СССР, дзе долар патаннеў (-1,19%), у 2020-м — першае месца па яго падаражэнні (+22,59%).