За студзень і люты 2025 суседнія краіны ЕС зафіксавалі 1.117 спробаў нелегальнага пераходу з Беларусі — удвая больш, чым за два месяцы 2024-га
2 сакавіка, Позірк. 1.117 спробаў незаконнага пераходу мяжы з боку Беларусі зафіксавалі за студзень і люты 2025 года суседнія краіны Еўрасаюза. Гэта ў 2 разы больш, чым за два першыя месяцы мінулага года (554), сведчыць праведзены “Позіркам“ параўнальны аналіз звестак памежных службаў Латвіі, Літвы і Эстоніі.
Без уліку 29 лютага (2024-ы быў высакосным годам) розніца склала 2,3 раза (490 спробаў за 1-28 лютага).
Польшча папярэдзіла 811 спробаў (даныя па гэтай краіне ў наступным могуць быць трохі скарэктаваныя з-за асаблівасцяў падліку нелегалаў мясцовай пагранслужбай), Латвія — 207, Літва — 99.