Беларусь імпартуе 95% насення цукровых буракоў — Мінсельгасхарч
5 сакавіка, Позірк. Беларусь імпартуе 95% неабходнага для сяўбы насення цукровых буракоў, астатнія 5% — насенне беларуска-расійскай і беларуска-польскай селекцыі, вынікае з заявы начальніка галоўнага ўпраўлення раслінаводства Міністэрства сельскай гаспадаркі і харчавання Мікалая Лешыка на прэс-канферэнцыі 5 сакавіка ў Мінску.
Паводле яго слоў, на сённяшні дзень “пацверджана наяўнасць” 117,5 тыс. імпартных пасяўных адзінак, гэта 91% агульнай патрэбы ў насенні. Такім чынам, “агульная забяспечанасць” насеннем буракоў складае 96%, сказаў Лешык.