Лукашэнка параўнаў УНС з Полацкім вечам, якое “не дазволіла ўладзе адарвацца ад народа”
15 сакавіка, Позірк. Канстытуцыя Беларусі — вынік “шматвяковага вопыту развіцця прававых традыцый”, “дзяржаўнага будаўніцтва на беларускай зямлі”, заявіў 15 сакавіка Аляксандр Лукашэнка на сустрэчы з чыноўнікамі, прысвечанай Дню Канстытуцыі.
Лукашэнка, якога цытуе яго прэс-служба, правёў паралелі паміж Усебеларускім народным сходам (УНС) і вечам ў Полацкім княстве. Паводле яго сцвярджэння, у Полацкім веча бралі ўдзел “выключна мужчыны, але гэта былі прадстаўнікі глыбіннага народа”. Тым самым, дадаў ён, жыхары княства “стварылі механізм, які ў будучыні не дазволіць уладзе адарвацца ад народа”.
Дэпутаты УНС, заявіў Лукашэнка, валодаюць паўнамоцтвамі “аналагічнымі тым, што былі тады”.
“І ў вострыя моманты гісторыі яны вырашалі, каму кіраваць, каму гандляваць, а з кім ваяваць, — сказаў Лукашэнка. — Кажучы сучаснай мовай, менавіта на веча прымаліся найважнейшыя рашэнні стратэгічнага развіцця — не воляй аднаго чалавека, князя, а са згоды жыхароў”.
Разам з тым Лукашэнка раскрытыкаваў Статуты ВКЛ (прымаліся ў 1529, 1566 і 1588 гадах. — “Позірк“.), вакол якіх, на яго думку, “шмат было шуму <…> ужо ў наш час”.
“Для таго перыяду яны былі прагрэсіўныя і істотна паўплывалі на развіццё заканадаўства ўсіх еўрапейскіх дзяржаў, — сказаў ён. — Але ў гісторыі гэтыя дакументы так і засталіся як законы, якія адлюстроўваюць інтарэсы выключна багатых і шляхетных людзей, яны яшчэ больш пагоршылі сацыяльную няроўнасць”.
Таксама негатыўна Лукашэнка выказаўся пра Канстытуцыю Рэчы Паспалітай, у якой, паводле яго слоў, “гарантыям правоў нашага народа ў прынцыпе не знайшлося месца”.
“Ды і перыяд знаходжання нашых зямель у складзе Расійскай імперыі не пакінуў колькі-небудзь сур’ёзнага следу ў беларускай прававой традыцыі”, — адзначыў ён.
На думку выступоўцы, “ідэйна і канцэптуальна Канстытуцыя суверэннай Беларусі з’яўляецца пераемнікам Канстытуцыі Сацыялістычнай Савецкай Рэспублікі Беларусі”.
“Тады, у 1919 годзе, упершыню ў сусветнай гісторыі прыродныя багацці роднай зямлі былі прызнаныя здабыткам усяго народа. Менавіта савецкая Канстытуцыя, таксама ўпершыню ў гісторыі, абвясціла па-за законам эксплуатацыю чалавека чалавекам і тым самым паставіла пад абарону жыццё і годнасць людзей незалежна ад этнічнага паходжання, сацыяльнага статусу і веравызнання”, — адзначыў Лукашэнка.
Перыяд распрацоўкі і прыняцця “навэл Канстытуцыі 1994 года” ён ахарактарызаваў як час “абсалютна размытай адказнасці”, бо тады існавала “парламенцкая рэспубліка”, а гэта значыць, што “краіны яшчэ няма”.
“Няма ідэалогіі нацыянальнага развіцця, не пастаўленыя мэты гэтага развіцця. Няма сістэмы кіравання. Не распрацаваныя механізмы ўзаемадзеяння розных структур. І ў такіх рэаліях па факце краінай кіруюць 360 дэпутатаў, у тым ліку і я”, — сказаў Лукашэнка.
На яго думку, беларусаў у тыя гады “хацелі адрэзаць ад каранёў, дыскрэдытуючы савецкае мінулае”.
“У якія толькі саюзы ні цягнулі беларусаў, каб разарваць дружалюбныя і цесныя інтэграцыйныя сувязі, перш за ўсё з Расіяй, але народ не дазволіў. А дзе цяпер тыя, хто адарваўся ад усходнеславянскай сям’і?” — падсумаваў Лукашэнка.
15 сакавіка 1994 года дэпутаты Вярхоўнага Савета большасцю галасоў прынялі Канстытуцыю Беларусі, а следам — закон, згодна з якім яна ўступіла ў сілу 30 сакавіка. Асноўны закон вызначаў краіну як унітарную дэмакратычную сацыяльную прававую дзяржаву, ўсталёўваў прынцыпы дэмакратычнага ладу, прыярытэт правоў і свабод чалавека, вяршэнства міжнароднага права. Канстытуцыя зазнала значныя антыдэмакратычныя змены ў выніку ініцыяваных Лукашэнкам рэферэндумаў у 1996, 2004 і 2022 гадах.
Па выніках рэферэндуму 2022 года УНС стаў “вышэйшым прадстаўнічым органам народаўладдзя”, які вызначае “стратэгічныя напрамкі развіцця грамадства і дзяржавы”, забяспечвае “непахіснасць канстытуцыйнага ладу, пераемнасць пакаленняў і грамадзянскую згоду”.
Максімальная колькасць дэлегатаў УНС — 1.200, тэрмін іх паўнамоцтваў — пяць гадоў. Ніхто з іх не абіраецца прамым галасаваннем грамадзян. Склад сходу фарміруецца вылучэннем ад структур улады і праўладных арганізацый “грамадзянскай супольнасці”. Пасяджэнні УНС павінны праводзіцца не радзей аднаго разу ў год.
УНС будзе зацвярджаць асноўныя напрамкі ўнутранай і знешняй палітыкі, ваенную дактрыну, канцэпцыю нацыянальнай бяспекі, праграмы сацыяльна-эканамічнага развіцця Беларусі; заслухоўваць штогадовыя пасланні прэзідэнта да парламента; у яго будзе права заканадаўчай ініцыятывы, яно зможа прапаноўваць змяненні і дапаўненні ў Канстытуцыю, разглядаць пытанне аб легітымнасці выбараў і інш.
- Палітыка
Часовы павераны ЗША ў Беларусі "рашуча асудзіў" прапагандысцкі фільм з удзелам палітвязня Зянковіча
- ПалітыкаУ Беларусь было дэпартавана звыш 3,5 тыс. украінскіх дзяцей з больш чым 20 акупаваных населеных пунктаў — ЛатушкаМатэрыял даступны толькі падпісчыкам ПОЗІРК+
- Палітыка, Эканоміка
Кітай прадаставіць Беларусі 300 млн юаняў для рэалізацыі ўзгодненых праектаў
- Грамадства
Надзвычайная пажарная небяспека ў Гомельскай і Магілёўскай абласцях падоўжана на 20–22 верасня
- ПалітыкаХроніка палітычных рэпрэсій за 19 верасня 2024 годаМатэрыял даступны толькі падпісчыкам ПОЗІРК+
Асуджаны за "спробу захопу ўлады" Юрый Зянковіч звярнуўся да Лукашэнкі з просьбай аб памілаванні
- Палітыка
У Пінску за “ўдзел у пратэстах” будуць судзіць журналіста Яўгена Мікалаевіча
- ПалітыкаКачанава запрасіла ў Беларусь кіраўніцтва УгандыМатэрыял даступны толькі падпісчыкам ПОЗІРК+
- Палітыка
На волю выйшла палітзняволеная Вольга Залатар
- Палітыка
У Савеце Еўропы заклікалі Грузію перагледзець забарону на ўезд беларускаму журналісту Андрэю Мялешку
Сілавікі правялі масавыя затрыманні ў Глыбокім і Століне
- Грамадства, ПалітыкаКраіны ЕС фіксуюць амаль на 40% больш спробаў нелегальнай міграцыі з беларускай тэрыторыі, чым у жніўніМатэрыял даступны толькі падпісчыкам ПОЗІРК+
- Палітыка
Ціханоўская: Дапамога рэпрэсаваным не замяняе працу па вызваленні палітвязняў
- ПалітыкаЦіханоўская: Дапамога рэпрэсаваным не замяняе працу па вызваленні палітвязняў (падрабязна)Матэрыял даступны толькі падпісчыкам ПОЗІРК+
- ЭканомікаНа фоне імкнення ўладаў скараціць імпарт памідораў у міжсезонне іх ураджайнасць у цяпліцах знізіласяМатэрыял даступны толькі падпісчыкам ПОЗІРК+
- Палітыка
Лукашэнка праз 13 гадоў зноў назваў "паняццямі" міжнародныя стандарты правядзення выбараў
- ЭканомікаЗнешняя крэдыторская запазычанасць арганізацый за 12 месяцаў вырасла на 22,6% — БелстатМатэрыял даступны толькі падпісчыкам ПОЗІРК+
- ЭканомікаНацбанк другі месяц не мяняе разліковыя велічыні стандартнай рызыкіМатэрыял даступны толькі падпісчыкам ПОЗІРК+
- Палітыка
Лукашэнка прызнаў, што ў Беларусь прывозяць дзяцей з "днр", за што яго "ледзь не зацягнулі ў суд"
- Грамадства
У жніўні і з пачатку верасня на беларускіх метэастанцыях зафіксавана больш за 240 тэмпературных рэкордаў
- Палітыка
Еўрапарламент заклікаў ЕС пашырыць санкцыі і працаваць над прыцягненнем рэжыму Лукашэнкі да адказнасці
- ПалітыкаВячорка: Еўрапарламент даў моцны сігнал Лукашэнку, што свет не забываецца на палітвязняўМатэрыял даступны толькі падпісчыкам ПОЗІРК+
- ЭканомікаБудаўніцтва жылля з дзяржпадтрымкай для тых, хто мае патрэбу, скарацілася на 22,6%Матэрыял даступны толькі падпісчыкам ПОЗІРК+
- ЭканомікаДолар і юань падаражэлі на біржавых таргах 19 верасняМатэрыял даступны толькі падпісчыкам ПОЗІРК+
- Палітыка
Еўрапарламент прыняў рэзалюцыю аб становішчы палітвязняў у Беларусі
- Палітыка
Ціханоўская намінуе на пасаду прадстаўніка АПК па сацыяльнай палітыцы Вольгу Зазулінскую
- ГрамадстваУ жніўні і з пачатку верасня на беларускіх метэастанцыях зафіксавана больш за 240 тэмпературных рэкордаў (падрабязна)Матэрыял даступны толькі падпісчыкам ПОЗІРК+
- Грамадства, Палітыка
Ціханоўская: Бел-чырвона-белы сцяг ізноў будзе лунаць над нашай краінай як сімвал вольнай Беларусі
- Палітыка
Еўрапарламент абмеркаваў рэзалюцыю аб становішчы палітвязняў у Беларусі
- ПалітыкаЕўрапарламент абмеркаваў рэзалюцыю аб становішчы палітвязняў у Беларусі (падрабязна)Матэрыял даступны толькі падпісчыкам ПОЗІРК+