СК пачаў спецвытворчасць у дачыненні да 11 чалавек, сярод іх спявачка Ляўчук, блогер Павук і жонка Цапкалы (дапоўнена)

18 сакавіка, Позірк. Следчае ўпраўленне ўпраўлення Следчага камітэта па Брэсцкай вобласці 15 сакавіка пачало спецыяльную вытворчасць у дачыненні да 11 чалавек, паведамляе прэс-служба СК.

У якасці фігурантаў спецвытворчасці названыя:

— блогер Андрэй Павук (паводле ч. 1 і 3 арт. 130, арт. 188, ч. 2 і 3 арт. 203¹, ч. 1 арт. 361¹, ч. 2 арт. 361², ч. 2 арт. 361⁴, ч. 1 і 2 арт. 367, ч. 1 і 2 арт. 368, арт. 369, 369¹, 370, 389, 391 Крымінальнага кодэкса);

— яго былая жонка Вольга Павук (ч. 1 арт. 130, арт. 188, ч. 3 арт. 203¹, ч. 1 арт. 361¹, ч. 2 арт. 361², ч. 2 арт. 361⁴, ч. 1 арт. 368, 369);

— оперная спявачка і актывістка Маргарыта Ляўчук (ч. 3 арт. 361¹, ч. 1 арт. 368, арт. 369, 370);

— яе былы муж, актывіст і культурны менеджар Аляксандр Чахоўскі (арт. 369, 370);

— Ілля Салянкоў (ч. 3 арт. 130, ч. 3 арт. 361¹, ч. 1 арт. 368, 369);

— рок-музыка Уладзіслаў Наважылаў (псеўданім Lasley Knife) (ч. 3 арт. 130, ч. 3 арт. 361¹);

— Яўген Вільскі (ч. 1 арт. 357, ч. 3 арт. 361¹, ч. 2 арт. 361⁴);

— Вадзім Дзмітранок (ч. 1 арт. 357, ч. 3 арт. 361¹, ч. 1 арт. 361⁴);

— кіраўнік арганізацыі “Наш дом” Вольга Карач (ч. 1 арт. 357, ч. 3 арт. 361¹, арт. 369¹);

— экс-чыноўнік Анатоль Котаў (ч. 1 арт. 357, ч. 1 арт. 361¹, ч. 2 арт. 361⁴);

— жонка былога прэтэндэнта ў прэзідэнты Валера Цапкалы, кіраўніца “Беларускага жаночага фонду” Вераніка Цапкала (ч. 1 арт. 357, ч. 3 арт. 361¹, ч. 2 арт. 367, арт. 369¹).

Даведка “Позірку”:

— ч. 1 і 3 арт. 130 (распальванне расавай, нацыянальнай, рэлігійнай альбо іншай сацыяльнай варожасці або варажнечы, якое пацягнула па неасцярожнасці смерць чалавека альбо іншыя цяжкія наступствы);

— арт. 188 (паклёп);

— ч. 2 і 3 арт. 203¹ (незаконныя дзеянні ў дачыненні да інфармацыі аб прыватным жыцці і персанальных даных);

— ч. 1 арт. 361¹ (стварэнне экстрэмісцкага фармавання альбо ўдзел у ім);

— ч. 2 арт. 361² (удзел у экстрэмісцкім фармаванні);

— ч. 2 арт. 361⁴ (садзейнічанне экстрэмісцкай дзейнасці і тое ж дзеянне, якое здзяйсняецца паўторна);

— ч. 1 і 2 арт. 367 (паклёп у дачыненні да прэзідэнта);

— ч. 1 і 2 арт. 368 (абраза прэзідэнта):

— арт. 369 (абраза прадстаўніка ўлады):

— арт. 369¹ (дыскрэдытацыя Рэспублікі Беларусь);

— арт. 370 (здзек з дзяржаўных сімвалаў);

— арт. 389 (пагроза ў дачыненні да суддзі або народнага засядацеля);

— арт. 391 (абраза суддзі або народнага засядацеля).

Агулам спецыяльная вытворчасць убуджана ў дачыненні да 88 чалавек. Гэта вытворчасць па крымінальнай справе ў дачыненні да абвінавачанага, які знаходзіцца па-за межамі Беларусі і ўхіляецца ад яўкі ў орган, які вядзе крымінальны працэс. Яно магчымае па 34 складах злачынстваў, якія пераважна ставяцца да катэгорыі цяжкіх і асабліва цяжкіх. Сярод іншага гэта акт тэрарызму, генацыд, найміцтва, здрада дзяржаве, дыверсія, стварэнне экстрэмісцкага фармавання альбо ўдзел у ім, масавыя беспарадкі, заклікі да санкцый і інш.