АПК заявіў аб стварэнні органа, які будзе выдаваць “пашпарты новай Беларусі”
20 сакавіка, Позірк. Завяршаецца праца па стварэнні пашпартнага цэнтра і фарміраванні “каманды прафесіяналаў”, якая будзе забяспечваць яго аперацыйную дзейнасць і выкананне міжнародных стандартаў для “пашпарта новай Беларусі”, паведаміў 20 сакавіка Аб’яднаны пераходны кабінет (АПК).
“Ужо пяць месяцаў мы шукаем кандыдата на пасаду дырэктара органа выдачы пашпарта, які будзе адказваць за тэхнічную частку. Трэба, каб гэты чалавек быў дасведчаным у індустрыі. Гэта, вядома, і пытанне бяспекі. Але калі мы будзем казаць пра прызнанне органа выдачы пашпарта, будзе крытычна важна, хто ім кіруе. З аўтарытэтным чалавекам на чале такое прызнанне будзе значна прасцейшым”, — адзначыў прадстаўнік АПК па замежных справах Валерый Кавалеўскі.
Паведамляецца, што праз двухтыднёвую затрымку толькі ў канцы сакавіка чакаецца прыбыццё “адмысловых матэрыялаў” для пашпартоў, што дазволіць вырабіць першыя 500 экзэмпляраў-узораў.
Рассылка запытаў ва ўрады краін і міжнародныя арганізацыі аб прызнанні пашпарта адбудзецца ў красавіку. Як удакладніў Кавалеўскі, “толькі пасля першых прызнанняў мы пачнём прымаць заяўкі ад людзей, апрацоўваць і верыфікаваць персанальныя даныя”.
“Трэба растлумачыць нашым партнёрам, чаму для міжнароднага прызнання дакумента існуюць усе прававыя падставы. Таксама мы павінны паказаць увесь тэхнічны працэс: ёсць орган выдачы дакумента, нормы і стандарты, адказнасць у межах заканадаўства Еўрасаюза”, — сказаў прадстаўнік АПК.
Паводле яго слоў, “няма, відаць, ніводнага замежнага візіту, падчас якога кіраўніца ці прадстаўнікі кабінета не закранулі б тэму пашпарта”.
“Пра яго ведае і старшыня Еўракамісіі Урсула фон дэр Ляен, і старшыня Еўрапейскай рады Шарль Мішэль, і вярхоўны прадстаўнік ЕС Жазэп Барэль, і іншыя чыноўнікі, якія маюць дачыненне да рашэнняў такога ўзроўню. Праца над прызнаннем фактычна ідзе, хоць пакуль і не было фармальнага запыту”, — падкрэсліў Кавалеўскі.
Ён адзначыў, што “станоўчае ўспрыманне пашпарта партнёрамі і давер да яго — найважнейшы фактар поспеху праекта, таму першыя асобнікі атрымаюць беларусы, якія ўжо прайшлі праверку нацыянальнымі міграцыйнымі службамі і легалізаваліся ў краінах, дзе жывуць”. Легалізацыя дазволіць партнёрам упэўніцца, што “атрымальнікі пашпарта пражываюць у краінах знаходжання на законных падставах”.
20 сакавіка некаторым беларусам пачалі прыходзіць электронныя лісты нібыта ад імя “валанцёрскай службы праекта новага нацыянальнага пашпарта Беларусі” з прапановай пакінуць персанальныя даныя для “невялікага сумоўя”.
Прадстаўніцтва па замежных справах АПК заявіла, што гэта “чарговы фэйк ад рэжыму, які ставіць на мэту сабраць персанальныя даныя беларусаў”.
“У праекта новага нацыянальнага пашпарта Беларусі няма ніякай валанцёрскай службы; Мы не збіраем і не плануем збіраць аніякія персанальныя даныя беларусаў праз інтэрнэт і звязвацца праз Gmail”, — падкрэсілі ў АПК.
Аб праекце “пашпарта новай Беларусі” стала вядома ў лютым 2023 года. Дэмсілы пачалі распрацоўваць альтэрнатыўны дакумент на фоне ўнясення паправак у закон аб грамадзянстве, якія даюць уладам магчымасць пазбаўляць грамадзянства, атрыманага на падставе права нараджэння, беларусаў, якія асуджаныя за “экстрэмізм” і збеглі ад пакарання. Адкарэктаваная адпаведным чынам рэдакцыя закона “Аб грамадзянстве Рэспублікі Беларусь” набыла моц летась у ліпені.
4 верасня 2023 года Лукашэнка падпісаў указ № 278 “Аб парадку выдачы дакументаў і здзяйснення дзеянняў”, які пазбавіў замежныя ўстановы Беларусі магчымасці падаўжаць тэрмін дзеяння пашпарта беларускага грамадзяніна і выдаваць новыя дакументы.
Летась, паводле звестак праваабарончага цэнтра “Вясна”, мінімум 125 чалавек было затрымана пасля вяртання ў Беларусь з-за мяжы.
- Палітыка, Эканоміка
Raiffeisenbank прадасць "Прыёрбанк" інвестару з ААЭ да канца года
- Палітыка
У Беларусь было дэпартавана звыш 3,5 тыс. украінскіх дзяцей з больш чым 20 акупаваных населеных пунктаў — Латушка
- Грамадства, Палітыка
Ціханоўская: Улада дыктатараў абапіраецца не на праўду, а на фізічны гвалт
- Грамадства
За тыдзень у Беларусь уехаў 2.381 грамадзянін Украіны — Дзяржпагранкамітэт
- ЭканомікаБелстат: Інвестыцыі ў асноўны капітал выраслі на 4,4%Матэрыял даступны толькі падпісчыкам ПОЗІРК+
- Палітыка
Юрыст Данелюс асуджаны ў Літве на 9 гадоў пазбаўлення волі за шпіянаж на карысць Беларусі
Лукашэнка запатрабаваў спыніць "кланяцца імпартнаму яблыку"
- Палітыка
Беларускія танкісты адправіліся ў Расію пераймаць вопыт вайны ў "прамых удзельнікаў СВА"
- Палітыка
Часовы павераны ЗША ў Беларусі "рашуча асудзіў" прапагандысцкі фільм з удзелам палітвязня Зянковіча
- ПалітыкаУ Беларусь было дэпартавана звыш 3,5 тыс. украінскіх дзяцей з больш чым 20 акупаваных населеных пунктаў — Латушка (падрабязна)Матэрыял даступны толькі падпісчыкам ПОЗІРК+
- Палітыка, Эканоміка
Кітай прадаставіць Беларусі 300 млн юаняў для рэалізацыі ўзгодненых праектаў
- Грамадства
Надзвычайная пажарная небяспека ў Гомельскай і Магілёўскай абласцях падоўжана на 20–22 верасня
- ПалітыкаХроніка палітычных рэпрэсій за 19 верасня 2024 годаМатэрыял даступны толькі падпісчыкам ПОЗІРК+
- Палітыка
Асуджаны за "спробу захопу ўлады" Юрый Зянковіч звярнуўся да Лукашэнкі з просьбай аб памілаванні
- Палітыка
У Пінску за “ўдзел у пратэстах” будуць судзіць журналіста Яўгена Мікалаевіча
- ПалітыкаКачанава запрасіла ў Беларусь кіраўніцтва УгандыМатэрыял даступны толькі падпісчыкам ПОЗІРК+
- Палітыка
На волю выйшла палітзняволеная Вольга Залатар
- Палітыка
У Савеце Еўропы заклікалі Грузію перагледзець забарону на ўезд беларускаму журналісту Андрэю Мялешку
Сілавікі правялі масавыя затрыманні ў Глыбокім і Століне
- Грамадства, ПалітыкаКраіны ЕС фіксуюць амаль на 40% больш спробаў нелегальнай міграцыі з беларускай тэрыторыі, чым у жніўніМатэрыял даступны толькі падпісчыкам ПОЗІРК+
- Палітыка
Ціханоўская: Дапамога рэпрэсаваным не замяняе працу па вызваленні палітвязняў
- ПалітыкаЦіханоўская: Дапамога рэпрэсаваным не замяняе працу па вызваленні палітвязняў (падрабязна)Матэрыял даступны толькі падпісчыкам ПОЗІРК+
- ЭканомікаНа фоне імкнення ўладаў скараціць імпарт памідораў у міжсезонне іх ураджайнасць у цяпліцах знізіласяМатэрыял даступны толькі падпісчыкам ПОЗІРК+
- Палітыка
Лукашэнка праз 13 гадоў зноў назваў "паняццямі" міжнародныя стандарты правядзення выбараў
- ЭканомікаЗнешняя крэдыторская запазычанасць арганізацый за 12 месяцаў вырасла на 22,6% — БелстатМатэрыял даступны толькі падпісчыкам ПОЗІРК+
- ЭканомікаНацбанк другі месяц не мяняе разліковыя велічыні стандартнай рызыкіМатэрыял даступны толькі падпісчыкам ПОЗІРК+
- Палітыка
Лукашэнка прызнаў, што ў Беларусь прывозяць дзяцей з "днр", за што яго "ледзь не зацягнулі ў суд"
- Грамадства
У жніўні і з пачатку верасня на беларускіх метэастанцыях зафіксавана больш за 240 тэмпературных рэкордаў
- Палітыка
Еўрапарламент заклікаў ЕС пашырыць санкцыі і працаваць над прыцягненнем рэжыму Лукашэнкі да адказнасці
- ПалітыкаВячорка: Еўрапарламент даў моцны сігнал Лукашэнку, што свет не забываецца на палітвязняўМатэрыял даступны толькі падпісчыкам ПОЗІРК+