Лукашэнка зноў хоча выкарыстоўваць пытанні міграцыі ў палітычных мэтах — Туск
12 красавіка, Позірк. “У нас з’яўляецца ўсё больш прыкметаў таго, што рэжым Лукашэнкі хоча зноў выкарыстоўваць пытанні міграцыі і ціску на нашу мяжу з Беларуссю ў палітычных мэтах”, — заявіў 11 красавіка прэм’ер-міністр Польшчы Дональд Туск пасля сустрэчы з кіраўніком эстонскага ўрада Каяй Каллас у Варшаве.
Туск падкрэсліў, што будзе “тлумачыць і заклікаць усіх нашых еўрапейскіх партнёраў ставіцца да нелегальнай міграцыі як да рэальнага прыярытэту, каб увесь Еўрапейскі саюз — не толькі Польшча —- прызнаў неабходнасць абароны нашай тэрыторыі, абароны мяжы, кантролю мяжы”.
Сустрэча прэм’ераў Польшчы і Эстоніі адбылася ў рамках кансультацый па прыярытэтах ЕС, якія праходзілі ў Варшаве, паведамляе яго канцылярыя. Акрамя згаданых палітыкаў, у іх прынялі ўдзел прэзідэнт і генеральны сакратар Еўрапейскага савета Шарль Мішэль і Тэрэза Бланшэ, а таксама прэм’ер-міністры Грэцыі, Ірландыі, Іспаніі, Люксембурга і Фінляндыі.
У Польшчы сёння адчуваюць, “што насамрэч азначае спалучэнне агрэсіўнай, варожай палітыкі з боку Крамля і Беларусі”, заявіў Туск, звяртаючыся да ўдзельнікаў кансультацый.
“Гаворка ідзе аб спалучэнні іх дзяржаўнага патэнцыялу з хваляй нелегальнай міграцыі”, — удакладніў кіраўнік польскага ўрада.
Раніцай 10 красавіка памежнікі і вайскоўцы польскага войска на ўчастку мяжы з Беларуссю ў Падляскім ваяводстве прадухілілі пранікненне на тэрыторыю краіны групы з больш за 220 мігрантаў.
Міністр унутраных спраў Літвы Агне Білатайце заявіла 11 красавіка, што “агрэсіўнымі метадамі пракрасціся на тэрыторыю Польшчы” з боку Беларусі спрабавала група з 450 мігрантаў, назваўшы тое, што здарылася “атакай, арганізаванай беларускім рэжымам”. Паводле яе слоў, літоўскія праваахоўнікі кантралююць сітуацыю: “Дзейнічае вышэйшы ўзровень пільнасці”.
З пачатку года суседнія з Беларуссю краіны ЕС зафіксавалі не менш як 7.112 спроб незаконнага перасячэння мяжы, у тым ліку ў красавіку — сама меней 2.331, каля 6.000 з іх прыпадае на Польшчу (5.941 па стане на 10 красавіка).
У 2023 годзе было спынена 42.078 спробаў незаконнага перасячэння мяжы з боку Беларусі (Польшча — 25.571, Латвія — 13.863, Літва — 2.644), у 2022-м — 31.892 (Польшча — 15.655, Латвія — 5.026, Літва — 11.211). Агульны рост склаў 31,9% (на польскім напрамку — у 1,6 раза, латвійскім — у 2,8 раза; на літоўскім зафіксавана зніжэнне ў 4,2 раза).
Міграцыйны крызіс на мяжы Беларусі і краін ЕС прадаўжаецца з вясны 2021 года.
11 красавіка ў Маскве Аляксандр Лукашэнка заявіў Уладзіміру Пуціну, што сітуацыя на заходніх межах “цяжкая” і найбольш яго “хвалюе палітыка польскага кіраўніцтва”: “Навошта ім гэтая канфрантацыя? І літоўцы, латышы… Па-першае, дзясяткамі выкідваюць трупы праз мяжу. Ідзе нейкая колькасць туды мігрантаў — яны іх выкідаюць. Агароджу пабудавалі — за плот выкідаюць да нас на мяжу. Цяпер снег растаў — агаліліся трупы, валяюцца проста на мяжы”.
Пра тое, што мігранты пранікаюць ці спрабуюць пранікаць у краіны ЕC з тэрыторыі Беларусі, не сустракаючы супрацівы з боку беларускіх памежнікаў, а то і кіраваныя імі, Лукашэнка замоўчаў.
- Палітыка
Ціханоўская прысвяціла прэмію Лантаса ўсім, хто працягвае барацьбу за Беларусь
- Палітыка
У Польшчы беларуса прыгаварылі да 34 месяцаў зняволення ў рамках шпіёнскай справы
- Палітыка
Рыжанкоў у Нью-Ёрку абмеркаваў узаемадзеянне з Чырвоным Крыжом, міратворчасць — са Святым Пасадам
ААН трэба больш глыбока ўмяшацца ў праблему палітвязняў у Беларусі — Ціханоўская
- ПалітыкаРыжанкоў абраў самы лагічны момант для звароту да Літвы — ШрайбманМатэрыял даступны толькі падпісчыкам ПОЗІРК+
- Палітыка, Эканоміка
Улады анэксаванага Крыма хочуць пашырыць транспартныя зносіны з Беларуссю
- Палітыка
Літва шмат гадоў "сутыкаецца са страшнай пагрозай" з боку РФ і Беларусі — міністр абароны ФРГ
- Грамадства
Пасля праверак не аднавіла дзейнасць траціна прыватных пансіянатаў — Мінпрацы
- Палітыка
Затрыманы па справе аб нападзе на расійскага апазіцыянера Волкава беларус падазраецца паводле двух артыкулаў КК Польшчы
- Палітыка
Ціск на мяжы з Беларуссю ўзмацняецца — міністр абароны Польшчы
- Палітыка
Міжнародная федэрацыя барацьбы змякчыла патрабаванні для беларускіх спартсменаў
- Палітыка
Спікер Сейма Літвы: Мы падтрымліваем беларускую апазіцыю
- Палітыка, Эканоміка
Неўзабаве згадка імя Каліноўскага будзе карацца рэжымам Лукашэнкі — украінскі дыпламат
- Палітыка
Паводле сцвярджэння Лукашэнкі, Захад патрабуе ад беларускіх мігрантаў уварвацца ў Беларусь
- Палітыка
Узгоднена прызначэнне шасці намеснікаў міністраў і звыш дзесятка кіраўнікоў раённага ўзроўню
- Эканоміка
Долар, еўра і юань патаннелі на біржавых таргах 26 верасня
- Палітыка, Эканоміка
Улады Беларусі загаварылі пра жаданне аднавіць супрацу з Літвой
- ГрамадстваУ Езярышчы на крайняй поўначы Беларусі другі дзень запар рэкорднае цяплоМатэрыял даступны толькі падпісчыкам ПОЗІРК+
- Эканоміка
Колькасць спраў аб банкруцтве ў гадавым вымярэнні зменшылася амаль удвая
- Грамадства
У Беларусь з Польшчы спрабавалі завезці 19 пітонаў, рэптылій канфіскавалі і перадалі Мінскаму заапарку
- Грамадства, Эканоміка
За месяц колькасць работнікаў у Беларусі вырасла, але ўзроўню пачатку года не дасягнула
- Палітыка
Беларусь павінна стаць донарам міру і стабільнасці — Ціханоўская
- Эканоміка
ЕБРР палепшыў прагноз па росце эканомікі Беларусі да 4,2% па выніках 2024 года
- Грамадства, Палітыка
Адмыслоўцы з Беларусі і РФ абменьваюцца досведам у сферы вайсковай медыцыны
- Грамадства
У Оршы затрыманы расіянін, які знаходзіўся ў міждзяржаўным вышуку
- Палітыка
Мытня Беларусі абвінаваціла Літву ў "грэблівым стаўленні да людзей"
- Палітыка
Рыжанкоў скіроўваецца ў Нью-Ёрк збіраць аднадумцаў і скардзіцца на санкцыі
- Грамадства
МНС папярэдзіў пра моцны вецер на большай частцы Беларусі 26 верасня
- ПалітыкаХроніка палітычных рэпрэсій за 25 верасня 2024 годаМатэрыял даступны толькі падпісчыкам ПОЗІРК+
- Палітыка
Полк Каліноўскага заявіў, што прызнае рэжым Лукашэнкі "тэрарыстычнай арганізацыяй"