Лукашэнка раскрытыкаваў МНС за неналежнае апавяшчэнне насельніцтва аб навальнічным фронце
19 ліпеня, Позірк. Міністэрства па надзвычайных сітуацыях “недапрацавала ў плане папярэджання грамадзян аб ступені небяспекі маючых адбыцца з’яў надвор’я”, заявіў Аляксандр Лукашэнка 19 ліпеня на селектарнай нарадзе, прысвечанай пераадоленню наступстваў стыхіі і ўборачнай кампаніі.
“Не напружылі людзей. Так, было складана і нечакана. Я гэта бачыў і разумею. Але мяне не гэта цікавіць. Як працавала сістэма вашага Міністэрства па надзвычайных сітуацыях?” — цытуе Лукашэнку яго прэс-служба.
Так ён адрэагаваў на выступ на нарадзе кіраўніка МНС Вадзіма Сіняўскага.
Міністр паведаміў, што з прычыны праходжання 13–14 ліпеня ў 74 раёнах Беларусі навальнічнага фронту загінула 6 чалавек, з іх двое дзяцей. Траўмы атрымалі 72 чалавекі, у тым ліку трое дзяцей. На сёння, дадаў Сіняўскі, 24 пацярпелых застаюцца ў бальніцах, уключаючы 7 дзяцей. Пяць чалавек — у цяжкім стане. Пацярпелі 949 населеных пунктаў.
Адказваючы на прэтэнзіі Лукашэнкі, кіраўнік ведамства адзначыў, што пра “анамальныя прыродныя працэсы, якія насоўваюцца” з 11 па 14 ліпеня насельніцтва апавясцілі праз аператараў мабільнай сувязі, адпаведныя паведамленні трансляваліся па тэлебачанні, радыё, распаўсюджваліся па тэлеграм-каналах і ў сацсетках.
Лукашэнка адказаў, што ад метэаролагаў апошнім часам “вельмі часта паступаюць папярэджанні аб магчымых неспрыяльных умовах надвор’я”, і людзі “ўжо прывыклі, што такія прагнозы гучаць, але далёка не заўсёды спраўджваюцца”.
“Магчыма тое, магчыма гэта. Вы людзей прывучылі: магчыма, а не было, магчыма, нешта было. Людзі ўжо прывыклі: як было ўчора, так будзе сёння. Вось да гэтай надзвычайнай сітуацыі вы адказна не змаглі падысці”, — заявіў Лукашэнка.
Крытыцы ён таксама падвергнуў аператыўнасць службовых асоб пры рэагаванні на тое, што здарылася: “Нават калі вы загадзя не папярэдзілі. Здарылася — камісію па надзвычайнай сітуацыі ў Гомелі на працягу двух-трох гадзін павінны былі стварыць і аказаць падтрымку і дапамогу людзям, мабілізаваць людзей, ваду, хлеб і іншае. Не праз паўтара дня, а неадкладна трэба было гэта задзейнічаць. А мы спазняліся на паўдня, на дзень”.
Ён запатрабаваў ад сваіх упаўнаважаных і памочнікаў у рэгіёнах “неадкладна выехаць на месцы і разабрацца з гэтымі пытаннямі”.
“Трэба — падключым армію. Наша краіна кампактная. Мы ведаем, што рабіць, — дадаў Лукашэнка. — Цяпер не час пасыпаць галаву попелам, але высновы з таго, што адбылося трэба зрабіць абавязкова. Калі ў [міністра энергетыкі Віктара] Каранкевіча не хапала слупоў або правадоў, па-народнаму кажучы, значыць, трэба зрабіць гэты запас. Калі вы не разгарнуліся, як след, улічыце гэта. Гэта павінен быць капітальны для нас урок”.
Лукашэнка ацаніў тое, што адбылося, як “страшную з’яву”, калі “бог цюкнуў па макушцы”. Пры гэтым адзначыў, што не ведае “пакуль, за што”.
Ён перакананы, што горшага сцэнару ўдалося пазбегнуць. І ў якасці прыкладу прывёў тое, што на Мазырскім нафтаперапрацоўчым заводзе дарагое імпартнае абсталяванне працягвае працаваць.
“Тут нас бог пашкадаваў. Ударыў па галаве і пашкадаваў. Зрабіце з гэтага высновы”, — сказаў Лукашэнка.
Ён не выказаў спачуванне родным і блізкім загінулых.
Кіраўнік яго адміністрацыі Дзмітрый Круты прынёс спачуванні 17 ліпеня падчас паездкі ў Гомельскую вобласць.
Старшыня Гомельскага аблвыканкама Іван Крупко выказаў спачуванні сем’ям загінулых 15 ліпеня.
- Палітыка
Мінінфарм выкарыстаў "Калыханку" для крытыкі блакавання ў Літве ютуб-каналаў беларускіх дзяржСМІ
- Палітыка
BySol заяўляе пра ўзмацненне рэпрэсій і рост колькасці зваротаў па дапамогу
- ПалітыкаЭксперты СПЧ ААН заклікалі Мінск да супрацоўніцтва, яго прадстаўнік абвінаваціла Захад у падтрымцы экстрэмізму (падрабязна)Матэрыял даступны толькі падпісчыкам ПОЗІРК+
- Грамадства, Палітыка
У "спіс экстрэмістаў" дададзена яшчэ 17 чалавек, сярод іх трое палітвязняў
- Грамадства
У сацсетках акцыяніста Кузьміча з'явілася паведамленне пра арышт і крымінальны пераслед у Францыі
- Палітыка
Ціханоўская заклікала ААН патрабаваць ад Мінска скасавання рэжыму інкамунікада для палітвязняў
- Грамадства, Палітыка
Крыху меней за 5 тыс. жыхароў Еўропы наведала Беларусь без віз за тыдзень — Дзяржпагранкамітэт
- Эканоміка
Долар і юань падаражэлі на першых біржавых таргах тыдня
- Грамадства
У Магілёве мужчына параніў нажом супрацоўніка ГУБАЗіК, заяўляе МУС
- Палітыка
Камісар Савета Еўропы рэкамендаваў Польшчы выконваць правы чалавека на мяжы з Беларуссю
- ПалітыкаКамісар Савета Еўропы рэкамендаваў Польшчы выконваць правы чалавека на мяжы з Беларуссю (падрабязна)Матэрыял даступны толькі падпісчыкам ПОЗІРК+
- Грамадства, Палітыка
Беларусі і РФ патрэбная прававая аснова для ўзаемнага медзабеспячэння грамадзян, лічыць кіраўнік "саюзнага парламента"
- Грамадства, Палітыка
КДБ дадаў у спіс "тэрарыстаў" яшчэ шэсць чалавек
- Палітыка
Ціханоўская пра візіт кіраўніка "днр": У Лукашэнкі не засталося саюзнікаў, акрамя тыранаў і ўзурпатараў
- Палітыка
У Віцебскай вобласці тэраабарона будзе вучыцца барацьбе з дыверсантамі, ахове аб'ектаў і падтрыманню парадку
- Грамадства
Беларусь і РФ падпісалі мемарандум аб супрацы ў галіне медыцыны катастроф
- Эканоміка
Рост эканомікі Беларусі запаволіўся праз зніжэнне тэмпаў вытворчасці ў сельскай гаспадарцы — ЕАБР
- Палітыка, Эканоміка
Лукашэнка гатовы наведаць Саудаўскую Аравію для абмеркавання палітыкі і эканомікі
- Грамадства, ПалітыкаЗ пачатку верасня суседнія краіны ЕС спынілі больш за 2,5 тыс. спробаў незаконнай міграцыі з БеларусіМатэрыял даступны толькі падпісчыкам ПОЗІРК+
- Палітыка, ЭканомікаПушылін заявіў пра планаванае стварэнне ў "днр" беларускага "мультыбрэндавага цэнтру"Матэрыял даступны толькі падпісчыкам ПОЗІРК+
- ЭканомікаЗапланаваныя 11 млн тон збожжа і бабоў сёлета сабраць не атрымаецца — віцэ-прэм'ер ШулейкаМатэрыял даступны толькі падпісчыкам ПОЗІРК+
- Палітыка
Кіеў прыгразіў Лукашэнку "негатыўнымі наступствамі" з-за сустрэчы з кіраўніком "днр" Пушыліным
- Грамадства
У Мінскім раёне праз падзенне дрэва загінуў непаўнагадовы студэнт
- Грамадства, Палітыка
FIDE адмовілася здымаць санкцыі з беларускіх шахмат
- Грамадства, Палітыка
Заснавальніку медыяпраекта "Рагачоў Онлайн" Дашкевічу прапанавалі вярнуцца ў Беларусь праз камісію Шведа
- Грамадства
Надзвычайная пажарная небяспека абвешчаная ў Віцебскай вобласці і падоўжаная — у Гомельскай і Магілёўскай
- Палітыка
"ЦікТок" выдаліў акаўнт прапагандысцкага медыя "Sputnik Беларусь"
- ЭканомікаБеларусь заняла сёмае месца на тэрыторыі былога СССР па росце спажывецкіх цэн у студзені — ліпені 2024 годаМатэрыял даступны толькі падпісчыкам ПОЗІРК+
- Палітыка
Алейнік і Хаменка адправіліся на саміт ААН у Нью-Ёрк, каб "данесці інфармацыю аб рэальным становішчы спраў у Беларусі"
- Грамадства
З пачатку года ў Беларусі адбылося 386 лясных пажараў