Лукашэнка падпісаў распараджэнне, якое дазваляе прыцягваць грамадзян да ліквідацыі наступстваў урагану
23 ліпеня, Позірк. Распараджэнне аб ліквідацыі наступстваў “небяспечных метэаралагічных з’яў” падпісаў 23 ліпеня Аляксандр Лукашэнка, паведамляе яго прэс-служба.
Падкрэсліваецца, што дакумент падрыхтаваны па выніках праведзенай 19 ліпеня селектарнай нарады, на якой “дэталёва абмяркоўваліся пытанні пераадолення наступстваў стыхіі, якая закранула шэраг рэгіёнаў краіны”.
Распараджэнне накіраванае на ліквідацыю “наступстваў стыхіі, зніжэнне памераў шкоды, нанесенай навакольнаму асяроддзю, і матэрыяльнага ўрону, аднаўленне нармальных умоў жыццядзейнасці насельніцтва”.
Сярод іншага Лукашэнка ўстанавіў тэрміны аднаўленчых работ, адпаведныя даручэнні дадзены галіновым ведамствам.
Міністэрства энергетыкі абавязанае да 1 жніўня 2024 года падключыць да электразабеспячэння ўсе абясточаныя домаўладанні.
Таксама ведамству загадана да 22 жніўня перавесці электрасілкаванне ўсіх атрымальнікаў энергіі ад дызельных генератараў да ліній электраперадачы.
Акрамя гэтага, Мінэнерга даручана да 31 снежня правесці “аналіз стану электрычных сетак і падрыхтоўку прапаноў аб павышэнні надзейнасці электразабеспячэння адказных спажыўцоў і населеных пунктаў”.
Міністэрствам лясной гаспадаркі, прыродных рэсурсаў і аховы навакольнага асяроддзя, адукацыі і шэрагу іншых дзяржорганаў і ўстаноў даручана ў розныя тэрміны (крайні — да канца года) “завяршыць работу па ачыстцы даступных лясных насаджэнняў ад ветравальна-бураломных дрэў і іх частак” шляхам правядзення суцэльных і выбарачных санітарных высечак.
Шэраг работ па ліквідацыі наступстваў стыхіі ўскладзены на Міністэрства прамысловасці і падначаленыя яму прадпрыемствы.
Аблвыканкамы, згодна з распараджэннем Лукашэнкі, павінны “арганізаваць прыцягненне грамадзян да правядзення работ па ўборцы захламленасці на адпаведных тэрыторыях”, а таксама “забяспечыць аднаўленне пашкоджаных капітальных будынкаў (будынкаў, збудаванняў) і іх частак”.
Раней Лукашэнка тройчы ўсталёўваў чыноўнікам тэрміны ліквідацыі наступстваў урагану. Віцэ-прэм’еру Анатолю Сіваку варта было да раніцы 16 ліпеня аднавіць працу ўсёй інфраструктуры. Кіраўніку МНС Вадзіму Сіняўскаму і дзяржаўнаму сакратару Савета бяспекі Аляксандру Вальфовічу 16 ліпеня быў дадзены “адзін дзень” на нармалізацыю сітуацыі пасля непагадзі. Кіраўніку Гомельскага аблвыканкама Івану Крупко ён даручыў да раніцы 19 ліпеня завяршыць “усе работы па падключэнні насельніцтва да электрасілкавання, у тым ліку ў самых аддаленых населеных пунктах”.
Непагадзь 13 і 14 ліпеня ў Беларусі прывяла да маштабных пашкоджанняў у сістэме электраперадачы, парушэнняў водазабеспячэння, разбурэнняў. Больш за ўсё ад ураганнага ветру пацярпела Гомельская вобласць, дзе ўводзілі рэжым надзвычайнай сітуацыі.
У тыя дні з-за непагадзі загінула сем чалавек.
Лукашэнка абвінаваціў пацярпелых ад непагадзі грамадзян у “няправільным разуменні” НС. Сярод жыхароў Беларусі “ёсць такія грамадзяне, для якіх усё заўсёды будзе дрэнна”, яны “не хочуць разумець”, што ў мінулыя дні ў краіне адбылася “надзвычайная сітуацыя”, заявіў ён на згаданай селектарнай нарадзе.
Непагадзь ён назваў “вайной”, толькі без “стральбы з аўтаматаў і кулямётаў”.
“Тое самае, што на вайне. І ніхто не задаецца пытаннем: А што ты зрабіў для таго, каб пераадолець гэтую катастрофу?” — сказаў Лукашэнка.
Ён звярнуў увагу, што ёсць людзі, якія дапамагаюць прыбіраць завалы і паваленыя дрэвы, аказваюць садзейнічанне камунальнікам. Гэта, паводле яго слоў, “сапраўдныя мужыкі”. Ім спікер супрацьпаставіў тых, хто “пальцам не варухне”, пакуль “улады не вырашаць усе праблемы”.
На той жа нарадзе Лукашэнка даручыў прыцягнуць да ліквідацыі наступстваў непагадзі грамадзян, у тым ліку палітвязняў.
“Я ўжо казаў міністру ўнутраных спраў (ён падключыцца, ён ведае), у нас больш за 20 тысяч сядзельцаў і так званыя палітвязні. Туды — на прасеку. Дапамажыце краіне. <…> І гараджан, і асабліва гэтых дармаедаў”, — сказаў ён.
Лукашэнка загадаў адправіць на адпаведныя працы жыхароў Беларусі агулам, адзначыўшы, што “адгаворкі тыпу таго, што я не пайду, не хачу, не буду, не прымаюцца”.
- Палітыка
BySol заяўляе пра ўзмацненне рэпрэсій і рост колькасці зваротаў па дапамогу
- ПалітыкаЭксперты СПЧ ААН заклікалі Мінск да супрацоўніцтва, яго прадстаўнік абвінаваціла Захад у падтрымцы экстрэмізму (падрабязна)Матэрыял даступны толькі падпісчыкам ПОЗІРК+
- Грамадства, Палітыка
У "спіс экстрэмістаў" дададзена яшчэ 17 чалавек, сярод іх трое палітвязняў
- Грамадства
У сацсетках акцыяніста Кузьміча з'явілася паведамленне пра арышт і крымінальны пераслед у Францыі
- Палітыка
Ціханоўская заклікала ААН патрабаваць ад Мінска скасавання рэжыму інкамунікада для палітвязняў
- Грамадства, Палітыка
Крыху меней за 5 тыс. жыхароў Еўропы наведала Беларусь без віз за тыдзень — Дзяржпагранкамітэт
- Эканоміка
Долар і юань падаражэлі на першых біржавых таргах тыдня
- Грамадства
У Магілёве мужчына параніў нажом супрацоўніка ГУБАЗіК, заяўляе МУС
- Палітыка
Камісар Савета Еўропы рэкамендаваў Польшчы выконваць правы чалавека на мяжы з Беларуссю
- ПалітыкаКамісар Савета Еўропы рэкамендаваў Польшчы выконваць правы чалавека на мяжы з Беларуссю (падрабязна)Матэрыял даступны толькі падпісчыкам ПОЗІРК+
- Грамадства, Палітыка
Беларусі і РФ патрэбная прававая аснова для ўзаемнага медзабеспячэння грамадзян, лічыць кіраўнік "саюзнага парламента"
- Грамадства, Палітыка
КДБ дадаў у спіс "тэрарыстаў" яшчэ шэсць чалавек
- Палітыка
Ціханоўская пра візіт кіраўніка "днр": У Лукашэнкі не засталося саюзнікаў, акрамя тыранаў і ўзурпатараў
- Палітыка
У Віцебскай вобласці тэраабарона будзе вучыцца барацьбе з дыверсантамі, ахове аб'ектаў і падтрыманню парадку
- Грамадства
Беларусь і РФ падпісалі мемарандум аб супрацы ў галіне медыцыны катастроф
- Эканоміка
Рост эканомікі Беларусі запаволіўся праз зніжэнне тэмпаў вытворчасці ў сельскай гаспадарцы — ЕАБР
- Палітыка, Эканоміка
Лукашэнка гатовы наведаць Саудаўскую Аравію для абмеркавання палітыкі і эканомікі
- Грамадства, ПалітыкаЗ пачатку верасня суседнія краіны ЕС спынілі больш за 2,5 тыс. спробаў незаконнай міграцыі з БеларусіМатэрыял даступны толькі падпісчыкам ПОЗІРК+
- Палітыка, ЭканомікаПушылін заявіў пра планаванае стварэнне ў "днр" беларускага "мультыбрэндавага цэнтру"Матэрыял даступны толькі падпісчыкам ПОЗІРК+
- ЭканомікаЗапланаваныя 11 млн тон збожжа і бабоў сёлета сабраць не атрымаецца — віцэ-прэм'ер ШулейкаМатэрыял даступны толькі падпісчыкам ПОЗІРК+
- Палітыка
Кіеў прыгразіў Лукашэнку "негатыўнымі наступствамі" з-за сустрэчы з кіраўніком "днр" Пушыліным
- Грамадства
У Мінскім раёне праз падзенне дрэва загінуў непаўнагадовы студэнт
- Грамадства, Палітыка
FIDE адмовілася здымаць санкцыі з беларускіх шахмат
- Грамадства, Палітыка
Заснавальніку медыяпраекта "Рагачоў Онлайн" Дашкевічу прапанавалі вярнуцца ў Беларусь праз камісію Шведа
- Грамадства
Надзвычайная пажарная небяспека абвешчаная ў Віцебскай вобласці і падоўжаная — у Гомельскай і Магілёўскай
- Палітыка
"ЦікТок" выдаліў акаўнт прапагандысцкага медыя "Sputnik Беларусь"
- ЭканомікаБеларусь заняла сёмае месца на тэрыторыі былога СССР па росце спажывецкіх цэн у студзені — ліпені 2024 годаМатэрыял даступны толькі падпісчыкам ПОЗІРК+
- Палітыка
Алейнік і Хаменка адправіліся на саміт ААН у Нью-Ёрк, каб "данесці інфармацыю аб рэальным становішчы спраў у Беларусі"
- Грамадства
З пачатку года ў Беларусі адбылося 386 лясных пажараў
- Палітыка, Эканоміка
Крым пастаўляе ў Беларусь морапрадукты