У 2021–2022 гадах з Беларусі выехала больш як 200 тыс. грамадзян, заяўляе МУС
18 студзеня, Позірк. За 2021–2022 гады з Беларусі з розных прычын выехала больш як 200 тыс. грамадзян, заявіў начальнік дэпартамента па грамадзянстве і міграцыі МУС Аляксей Бягун 18 студзеня ў эфіры праграмы “Маркаў. Нічога асабістага” на тэлеканале АНТ.
“Вядома, шмат, бо гэта працаздольнае насельніцтва, — прызнаў ён. — З іншага боку, дзяржава для іх заўсёды адкрытая. Мы ніколі не рабілі перашкоды для вяртання ўласных грамадзян”.
“Мы кажам, калі ласка, калі вы дапусцілі крымінальнае злачынства, маецца адпаведная камісія. Яна для іх працуе — атрымлівае адпаведны зварот, каб грамадзянін мог разумець, ці можа ён вярнуцца на тэрыторыю краіны, ці будзе прыцягнуты да нейкай адміністрацыйнай ці крымінальнай адказнасці, ці не можа вярнуцца на тэрыторыю краіны. Але ніхто не перашкаджае вяртацца гэтым грамадзянам. <…> Іх адмыслова палохаюць”, — заявіў міліцэйскі чыноўнік.
Вядоўца Марат Маркаў першапачаткова спрабаваў высветліць у Бегуна “рэальную лічбу тых, хто выехаў з краіны пасля 2020 года з палітычных матываў”, аднак прадстаўнік МУС фактычна адмовіўся размяжоўваць беларусаў паводле такога прынцыпу.
“Нельга казаць — палітычныя матывы, не палітычныя матывы. Калі адбывалася і адбываецца рэлакацыя айцішнікаў, гэта палітычныя матывы? Не. Гэта пытанні, звязаныя з санкцыямі, — сказаў ён. — Кампетэнтныя органы <…> дастаткова дакладна маюць звесткі пра тых асоб, што не занятыя ў эканоміцы. якія ў пэўны перыяд часу пакінулі тэрыторыю Рэспублікі Беларусь, у тым ліку з членамі сям’і, якія праз пэўныя абставіны не знаходзяцца на тэрыторыі краіны. <…> І мы ведаем кожнага! Але казаць пра тое, што гэта быў выезд з палітычных матываў ці не з палітычных матываў, не заўсёды карэктна”.
Бягун некалькі разоў паўтарыў, што дзяржава не перашкаджае вяртанню грамадзян з-за мяжы. Разам з тым, з яго слоў вынікае, што леташні “консульскі ўказ”, які пакінуў беларусам магчымасць мяняць пашпарты толькі на радзіме, з’явіўся зусім не з-за жадання дзяржавы вярнуць дадому ўсіх, хто з’ехаў.
“Санкцыйная палітыка Еўрапейскага саюза не дазваляе дыпламатам аператыўна задавальняць спадзяванні нашых грамадзян наконт замены пашпартоў. Таму прынята рашэнне, што ўсе павінны атрымліваць у цяперашні час на тэрыторыі Беларусі пашпарты”, — сцвярджае міліцэйскі чыноўнік.
“Мы з задавальненнем афармляем іх, ніякіх перашкод няма. Грамадзянін прыехаў, у аператыўным парадку атрымаў біяметрычны пашпарт ці звычайны пашпарт і вярнуўся. <…> Ніякай бюракратыі, ніякай адказнасці, ніякіх страшылак, <…> калі ў яго няма абмежавання права на выезд, калі да яго няма ніякіх крымінальных прэтэнзій”, — дадаў ён.
Паводле даных праваабарончага цэнтру “Вясна”, у 2023 годзе пасля праверак на мяжы Беларусі з суседнімі краінамі з палітычных матываў было затрымана не менш як 207 чалавек, сярод якіх як беларусы, так і грамадзяне Літвы, Расіі, Украіны. Пераважная большасць была арыштаваная ці аштрафаваная па адміністрацыйных справах, аднак не менш за 18 затрыманых судзілі ў крымінальным парадку, 12 з іх былі пазбаўлены волі.
4 верасня Аляксандр Лукашэнка падпісаў указ № 278 “Аб парадку выдачы дакументаў і здзяйснення дзеянняў”, які сярод іншага пазбавіў замежныя ўстановы Беларусі магчымасці падаўжаць тэрмін дзеяння пашпарта беларускага грамадзяніна і выдаваць новыя дакументы.
Беларускія дэмакратычныя структуры, Еўрасаюз, ЗША, праваабарончыя арганізацыі раскрытыкавалі ўказ, скіраваны, на іх думку, на ўшчамленне правоў вымушаных эмігрантаў.
- Палітыка
Часовы павераны ЗША ў Беларусі "рашуча асудзіў" прапагандысцкі фільм з удзелам палітвязня Зянковіча
- ПалітыкаУ Беларусь было дэпартавана звыш 3,5 тыс. украінскіх дзяцей з больш чым 20 акупаваных населеных пунктаў — ЛатушкаМатэрыял даступны толькі падпісчыкам ПОЗІРК+
- Палітыка, Эканоміка
Кітай прадаставіць Беларусі 300 млн юаняў для рэалізацыі ўзгодненых праектаў
- Грамадства
Надзвычайная пажарная небяспека ў Гомельскай і Магілёўскай абласцях падоўжана на 20–22 верасня
- ПалітыкаХроніка палітычных рэпрэсій за 19 верасня 2024 годаМатэрыял даступны толькі падпісчыкам ПОЗІРК+
Асуджаны за "спробу захопу ўлады" Юрый Зянковіч звярнуўся да Лукашэнкі з просьбай аб памілаванні
- Палітыка
У Пінску за “ўдзел у пратэстах” будуць судзіць журналіста Яўгена Мікалаевіча
- ПалітыкаКачанава запрасіла ў Беларусь кіраўніцтва УгандыМатэрыял даступны толькі падпісчыкам ПОЗІРК+
- Палітыка
На волю выйшла палітзняволеная Вольга Залатар
- Палітыка
У Савеце Еўропы заклікалі Грузію перагледзець забарону на ўезд беларускаму журналісту Андрэю Мялешку
Сілавікі правялі масавыя затрыманні ў Глыбокім і Століне
- Грамадства, ПалітыкаКраіны ЕС фіксуюць амаль на 40% больш спробаў нелегальнай міграцыі з беларускай тэрыторыі, чым у жніўніМатэрыял даступны толькі падпісчыкам ПОЗІРК+
- Палітыка
Ціханоўская: Дапамога рэпрэсаваным не замяняе працу па вызваленні палітвязняў
- ПалітыкаЦіханоўская: Дапамога рэпрэсаваным не замяняе працу па вызваленні палітвязняў (падрабязна)Матэрыял даступны толькі падпісчыкам ПОЗІРК+
- ЭканомікаНа фоне імкнення ўладаў скараціць імпарт памідораў у міжсезонне іх ураджайнасць у цяпліцах знізіласяМатэрыял даступны толькі падпісчыкам ПОЗІРК+
- Палітыка
Лукашэнка праз 13 гадоў зноў назваў "паняццямі" міжнародныя стандарты правядзення выбараў
- ЭканомікаЗнешняя крэдыторская запазычанасць арганізацый за 12 месяцаў вырасла на 22,6% — БелстатМатэрыял даступны толькі падпісчыкам ПОЗІРК+
- ЭканомікаНацбанк другі месяц не мяняе разліковыя велічыні стандартнай рызыкіМатэрыял даступны толькі падпісчыкам ПОЗІРК+
- Палітыка
Лукашэнка прызнаў, што ў Беларусь прывозяць дзяцей з "днр", за што яго "ледзь не зацягнулі ў суд"
- Грамадства
У жніўні і з пачатку верасня на беларускіх метэастанцыях зафіксавана больш за 240 тэмпературных рэкордаў
- Палітыка
Еўрапарламент заклікаў ЕС пашырыць санкцыі і працаваць над прыцягненнем рэжыму Лукашэнкі да адказнасці
- ПалітыкаВячорка: Еўрапарламент даў моцны сігнал Лукашэнку, што свет не забываецца на палітвязняўМатэрыял даступны толькі падпісчыкам ПОЗІРК+
- ЭканомікаБудаўніцтва жылля з дзяржпадтрымкай для тых, хто мае патрэбу, скарацілася на 22,6%Матэрыял даступны толькі падпісчыкам ПОЗІРК+
- ЭканомікаДолар і юань падаражэлі на біржавых таргах 19 верасняМатэрыял даступны толькі падпісчыкам ПОЗІРК+
- Палітыка
Еўрапарламент прыняў рэзалюцыю аб становішчы палітвязняў у Беларусі
- Палітыка
Ціханоўская намінуе на пасаду прадстаўніка АПК па сацыяльнай палітыцы Вольгу Зазулінскую
- ГрамадстваУ жніўні і з пачатку верасня на беларускіх метэастанцыях зафіксавана больш за 240 тэмпературных рэкордаў (падрабязна)Матэрыял даступны толькі падпісчыкам ПОЗІРК+
- Грамадства, Палітыка
Ціханоўская: Бел-чырвона-белы сцяг ізноў будзе лунаць над нашай краінай як сімвал вольнай Беларусі
- Палітыка
Еўрапарламент абмеркаваў рэзалюцыю аб становішчы палітвязняў у Беларусі
- ПалітыкаЕўрапарламент абмеркаваў рэзалюцыю аб становішчы палітвязняў у Беларусі (падрабязна)Матэрыял даступны толькі падпісчыкам ПОЗІРК+