Курс долара абнавіў гадавы максімум на першых лістападаўскіх таргах

1 лістапада, Позірк. Амерыканская і адзіная еўрапейская валюты падаражэлі на таргах Беларускай валютна-фондавай біржы 1 лістапада.

Курс долара вырас да 3,3203 рубля (+0,0041; +0,12%). Гэта новы гадавы максімум. Папярэдні быў устаноўлены на таргах 30 кастрычніка, калі амерыканская валюта падаражэла да 3,3119 рубля (+0,0015; +0,05%).

Еўра падаражэў да 3,6216 рубля (+0,0027; +0,07%).

Каціроўка расійскага рубля знізілася да 3,4239 за 100 (-0,0013; -0,04%), юаня — да 4,6717 рубля за 10 (-0,0005; -0,01%).

На працоўным тыдні (28 кастрычніка — 1 лістапада) долар падаражэў на 0,72% (з 3,2965 да 3,3203), еўра — на 1,1% (з 3,5823 да 3,6216), юань — на 0,57% (з 4,645 да 4,6717 за 10); расійскі рубель патаннеў на 0,02% (з 3,4246 да 3,4239 за 100).

Афіцыйны курс долара ў Беларусі ў студзені знізіўся на 0,01% (з 3,1775 да 3,1771 рубля) — гэта быў шосты паказчык на тэрыторыі былога СССР; у лютым — вырас на 1,95% (да 3,2391) — другое месца пасля Расіі (+2,89%), за два месяцы — на 1,94% (шостае месца); у сакавіку — на 0,33% (да 3,2498) — пятае месца, за тры месяцы — на 2,28% (трэцяе); у красавіку — на 0,14% (да 3,2542) — шостае месца, за чатыры месяцы — на 2,41%; у траўні — знізіўся на 1,48% (да 3,2059) — трэцяе месца, за пяць месяцаў — вырас на 0,89% (восьмае).

У чэрвені долар патаннеў на 1,36% (да 3,1624) — трэцяе месца, паводле вынікаў першага паўгоддзя — на 0,48% (пятае месца); у ліпені — на 0,87% (да 3,1349) — сёмае месца, за сем месяцаў — на 1,34% (пятае), у жніўні — вырас на 1,55% (да 3,1834) — другое месца, за восем месяцаў — на 0,19% (пятае), у верасні — на 0,88% (да 3,2113 рубля) — трэцяе месца, за дзевяць месяцаў — на 1,06% (шостае).

За 2023 год каціроўка долара павялічылася на 16,12% (з 2,7364 да 3,1775 рубля). Гэта другі паказчык на постсавецкай прасторы, сведчыць праведзены “Позіркам” параўнальны аналіз каціровак цэнтрабанкаў на 31 снежня 2022 года і 31 снежня 2023-га. На першым месцы Расія — 27,51% (з 70,3375 да 89,6883 рубля).